Allen den ghenen die dese l(ette)ren zelen sien oft hoiren lezen burg(er)meest(ere)n/ scepen(en) ende raid der stad van loeven saluut doen cond en(de) te weten/ dat voer ons comen es in p(ro)pe(re)n p(er)sone lijsbeth thijs met heuren gelev(er)den/ momboir in desen verleend ende heeft geconstitueert gesett volcome(n)/ macht p(ro)curacie ende auctoriteit gegeven bertelmeeuse vander elst gehete(n)/ vanden velde ende janne yden gesamenderhand alle en(de) yegewelke/ heure erfgoede die de selve lijsbeth liggende heeft inde prochie va(n)/ werchte(r) te beschudden te rege(re)n [en(de)] te hantplichten die te verhue(re)n ende/ met jairscharen uut te gheven die te wynnen bedinghen te wynne(n) en(de)/ te verliesen de ty(m)meringhe van eenre schue(re)n op so(m)mighe vanden/ voirs(creven) goeden staende te moegen afbreken en(de) [en(de) die te vercopen ten hoeghsten en(de) d(aer) af] xiiii rijnsch gulden(en)/ dairaf te trecken en(de) niet meer Ende oic [heeft vort den selve(n) oft deen van he(n) genoech te treck(en)?] alle heure tsijze rinte(n)/ pachten en(de) sculden te manen teyschen op te boe(re)n ende tontfanghen/ d(air) voe(r) te panden te daghen ende rastamente te leggen de selve/ tsijze rinten en(de) schulden en(de) oic de vors(creven) xiiii rijnsch(en) gulden(en)/ met rechte te v(er)volgen die te wynnen en(de) te verliesen (et)c(etera) In for(m)[a]/ salvo iusto calculo cor(am) tybe blanck(aer)t iud(oco) abs(oloens) ja(nuarii) v