SAL8142, Act: R°238.1 (408 of 808)
Search Act
previous | next
Act R°238.1  
Act
Date: 1474-01-20

Transcription

2020-10-03 by myriam bols
Item tvo(n)nisse tusschen andriese van voshem in deen zijde en(de) janne/
cruypeland in dande(re) alse van eenre comenscap die de voirs(creven) andries/
tegen den voirs(creven) janne gedaen hadde van eenen grauwen tabbairde/
en(de) van dien dat de selve andries hem overgeven soude de coma(n)scap/
die hij gedaen hadde tegen henr(icke) cox alse vanden vercope van v/
of vi aamen wijns die de selve andries den voirs(creven) henricken v(er)cocht/
hadde om ix rijnsch(en) gulden(en) ende den selven janne cruypelant d(air)af/
behoirlike p(ro)curacie gheven om die comanscap te moeghen volghen/
met allen den rechte actie(n) en(de) toebehoirten der selv(er) coma(n)scap en(de)/
des soude de voirs(creven) jan cruypelant andriese gheven [in lakene de weerde va(n)] eenen nobel/
van l stuv(er)s En(de) dat jan cruypelant van zijnre zijden voldoen/
soude zo wanneer de voirs(creven) andries hem de voirs(creven) comanscap ind(er)/
manie(re)n voirs(creven) met allen heuren rechte ende actien overgegeven soude/
hebben ende behoirlike p(ro)curacie om die comanscap te moegen volgen/
gegeven soude hebben So es yerst thoenisse van janne cruypela(n)t/
aengehoirt gewijst dat zo wanneer de voirs(creven) andries den vors(creven)/
janne cruypelant overgegeven sal hebben de voirs(creven) comanscap met/
allen heuren rechten ende actien en(de) behoirlike p(ro)curacie gegeven om/
die comenscap te moegen vervolgen dat dan de voirs(creven) jan cruypela(n)t/
gehouden sal zijn den voirs(creven) andriese van des voirs(creven) steet oic te/
voldoene cor(am) blanck(aer)t iud(oco) abs(oloens) hoeven lynden ja(nuarii) xx
ContributorsMi-Je Van Gils
Moderated byMi-Je Van Gils
Last update: 2019-05-08 by kristiaan magnus