Allen den ghenen die dese l(ette)ren sullen sien oft horen lesen burg(er)/ meeste(re)n scepen(en) en(de) raide d(er) stat van loven(e) saluyt doen cont/ en(de) te weten(e) dat opden dach datum van desen voir ons en(de)/ gestaen zijn gheldolf van wynde geheten vander lynden jan/ marcels en(de) jan vander varent als kercmeest(er)s der kercken/ van sinte quintens te loven(e) uut name en(de) van weghen/ der selver kercken peter vanden bossche en(de) goessen wellens
//
als heylighegheestmeesters der vors(creven) kercken uut name en(de)/ van weghen vanden selven heyligengheeste jan storre en(de)/ claus baertmakers als kercmees brueders der bruederscap va(n)/ synte quintens te loven(e) voirg(eruert) [oic] uut name en(de) van wegen/ der vorg(eruerde) bruederscap En(de) hebben gesamend(er)hant en(de) hen/ elc van hen besundert geconstitueert gesedt volcomen macht/ procuracie en(de) auctoriteit gegheven janne van borre/ gielise vanden p(er)gate en(de) wille(m)me van leefdale oft den/ eenen van hen bringher van desen Alle en(de) yegewelcke/ erfgoede die zij [de vors(creven) kercke heiligheest en(de) brued(er)scap] tsamen oft elc van hen besunder liggende hebben/ inden lande van brabant te wat plaetse dat dat zij te rege(re)n met/ jairscharen uuttegheven [en(de) desgelijcx] alle hue(r) renten chijsen erfpachten/ en(de) sculden te manen teysschen opteboren en(de) tontfangen dair voir/ te panden te daghen rastementen te doen legghen die met rechte/ texequeren te bedinghen te wynnen en(de) te verliesen voir alle/ gerichten gheestelijc en(de) weerlic compositie en(de) mynlike effe/ ninghe d(air) af te make den sculders te quite(re)n en(de) volcomen/ quitancie te gheven getuyghen ofs behoeft te leiden der/ wederp(ar)tien getuyghen te sien zweren die te batteren alsoe/ dicwille en(de) menichwerven als men des behoeven sal te/ replice(re)n te duplice(re)n also wale int principael als int acces/ soir zoe menichwerven als des van noode sal zijn Promitt(entes)/ rat(um) salvo iusto calculo cor(am) most substituto burg(imagistro) blanck(aert)/ marcels ja(nuarii) xxiiii