It(em) henrick appelman als man en(de) momboir marien snaens zijnre/ huysvrouwen en(de) inden name van heure in p(rese)ncia (et)ce(etera) achtervolgen(de)/ zek(ere)n vo(n)niss(en) tusschen hem als momboir zijns wijfs voirs(creven) onlangs/ opden derden dach van februario lestleden gewesen heeft/ gekindt en(de) gelijdt dat die haeflike goede die hij van janne/ wilen de naen gehadt heeft dat hij die gehadt heeft in huwelik(er)/ vorwerden [gelijc willem en(de) peter dat gethoent hebben] en(de) dat hij dair mede uut bliven wilt zond(er) inbringen/ oft mede inde haeflike goede oft vliegen(de) erve te deylen Renu(n)cie(re)nde/ en(de) afgaende dair o(m)me tot behoef willems en(de) peters de naen vors(creven)/ zijnre zwage(re)n en(de) tot behoef gielijs van adelberghe en(de) denijs/ boegairts alse mans en(de) mombo(r)en margrieten en(de) katlinen/ snaens heurer huysvrouwen en(de) heuren ande(re)n mededeylers
//
alles rechts actie(n) en(de) interest dat hij heeft oft hebben soude moegen/ uut doode jans wilen de naen zijns zweers om te deylen(e) oft deel/ oft porcie te hebben inde haeflike goede te loeven vliegen(de) erve/ geheten en(de) ande(re)n haefliken goeden hoe die genoemt zijn en(de)/ bleven zijn na de doot des voirs(creven) wilen jans de naen Behoudelic/ den selven henricken zijn volcomen recht van zijnre huysvrouwen/ kynsgedeelte inde erflike goede het zij tsijsgoeden eygengoede/ oft leengoede tsijze rinten pachten oft van wat natue(re)n die/ zijn moegen in e(n)nigher manie(re)n cor(am) lyemi(n)gen m(er)cels fe(bruarii) xv