Cond zij allen lieden dat mathijs van raetshoven geheten jans in teg(enwoirdicheit) (et)c(etera)/ heeft genomen en(de) bekendt genomen te hebbene van h(ere)n anthoenijse van/ enichoven prioere sgoidshuys van s(in)te mertensdale bynnen der stad/ van loeven zeke(re) wynnende lande wilen joff(rouwen) aleyten vander beke/ en(de) nu den voirs(creven) goidshuyse toebehoiren(de) tot x oft xi boende(re)n/ toe te nederwynde te wanghe te lare toverwynde en(de) dair omtrint/ gelegen Te houden te hebben en(de) te gebruycken van halfmerte naistc(omende)/ eenen termijn van neghen jairen langh deen na dander zonder middel/ volgende elcx jairs dae(re)nbynnen voer en(de) om achten(de)twintich mudden/ hards corens goeds en(de) payabels met wanne en(de) vloegelen wel bereidt/ pacht en(de) mate voirscr(even) van thienen ts(in)te andriesmisse ap(oste)ls te betale(n)/ en(de) te loeven te leve(re)n den voirs(creven) goidshuyse alle jaire den voirs(creven)/ t(er)mijn due(re)nde et quo(li)[b(et)] a(ssecutu)[m] It(em) sal de voirs(creven) mathijs jairlicx opheffe(n)/ en(de) oic te loeven leve(re)n alsulken zeven mudde corens buyten pachts/ alse willem ghielijs en(de) zijn medegesellen jairlicx den voirs(creven) goidshuyse/ sculdich zijn Behoudelic dat hij in afslaghe vander voirs(creven) so(m)men/ jairlicx betalen sal wille(m)me vanden hove natuerlic zeventhien/ en(de) een half mudden hards corens pacht en(de) maten voirscr(even) die/ hij aende voirs(creven) goede heeft zijn leefdaghe langh en(de) niet lang(er)/ ende hem die leve(re)n te loeven dairt hem aldair gelieven sall It(em) sal/ noch de voirs(creven) mathijs den voirs(creven) goidshuyse jairlicx betalen ende/ te loeven leve(re)n vijfthien zist(ere)n core(n)s pacht en(de) mate voirscr(even) va(n)/ xviii groot roeden lands dair h(er) jan van erpe priest(er) zijn tocht aen/ hadde die hij den selven cloeste(r) vercocht heeft welck land hij/ mede in pechtinghen hebben sall It(em) es vorwerde dat de voirscr(even)/ mathijs de voirs(creven) lande den voirs(creven) termijn due(re)nde wynnen en(de)/ werven sall gelijc reengenoten boven ende beneden en(de) die bynnen den/ selven termijne wel ende loflic overmesten en(de) oft hij e(n)nighe lande/ hoervruchte dair voe(r) sall hij die eens mesten It(em) sal de voirs(creven)/ mathijs heffen ende boe(re)n jairlicx den voirs(creven) termijn due(re)nde aen/ reyne(re)n van nederwynde alsulke vijf licht gulden(en) alse de selve/ reyne(r) jairlicx sculdich was den voirs(creven) joff(rouwen) alijten ende die vijf/ gulden(en) sal hij jairlicx den voirs(creven) goidshuyse voerts opleggen en(de)/ betalen en(de) dairaf sal tvoirs(creven) goidshuys deen helicht voerts/ opleggen en(de) betalen jairlicx den voirs(creven) wille(m)me also lange als/ hij leeft It(em) en sal de voirs(creven) mathijs den voirs(creven) lande bynnen den vors(creven)/ t(er)mijne nyeman(de) anders moegen uutgheven of verpachten zonder/ consent vanden voirs(creven) goidshuyse en(de) oft hijt dade dat dan tvoirs(creven)/ goidshuys d(aer)af de naeste zijn sall voe(r) den voirs(creven) prijs al wairt/ dat hij dat ten hoeghe(re)n prijse soude moeghen uutgheven It(em) sal
//
de voirs(creven) mathijs in afslaghe vanden voirs(creven) pachte betalen ten gewoenliken/ daghen den tsijs ende tschoutcoren dat tvoirs(creven) land jairlicx sculdich es/ also in tijds dat bij zijnen gebreke off versuymenissen den voirs(creven) goidsh(uyse)/ gheen schade en geschiede want alsulke schade ende last sal mathijs/ voirs(creven) alleen draghen en(de) dair voe(r) niet afslaen den cloeste(r) voirs(creven) It(em) sal/ de voirs(creven) mathijs die jairgedinghen te wanghe en(de) te lare voe(r) tvoirs(creven)/ goidshuys jairlicx doen houden en(de) verwa(r)en op dats behoeft also dat/ den selven goidshuyse gheen schade bij gebreke van dien en geboe(re)/ It(em) alsmen van she(re)n weghen beveelt de straten omtrint den landen boven/ genoemt gelegen gemaict oft gerepareert te worden die sal mathijs vors(creven)/ op zijnen cost na inhoudt des gebots doen maken t(er) stont op dat gheen/ schade op tvoirs(creven) land gedaen en wordde dewelke hij [alleene] soude moeten/ draghen It(em) es vorwerde dat de voirs(creven) mathijs ten naisten oeghste na/ duutgaen vanden voirs(creven) termijne trecken sal dwyntercoren dat opte vors(creven)/ lande ten uutgaene vanden selven termijne bevrucht staen sall ende/ betalen den pacht vanden voirs(creven) xxviii mudden en(de) xv zist(ere)n corens na/ de gelande vanden bevruchten landen It(em) es vorwerde dat de vors(creven)/ mathijs sculdich sal wesen den voirs(creven) goidshuyse een jair te voe(re)n/ te seggen eer zijn pechtinghe uutgaet oft hij de lande voirs(creven) meynde/ weder inne te nemen op dat den cloeste(r) gelieft na de condicie boven/ gescr(even) oft niet En(de) desgelijcx saelt tcloester voirg(eruert) mathijsen vors(creven)/ oic een jair te voe(re)n segghen oft zij hem die landen wed(er)o(m)me uutgeven/ zullen oft niet op dat eenyegelijc te tijde na zijn p(ro)fijt zien mach/ It(em) oft heylwijgh weduwe jans wilen de witte van nederwynde meynde/ oft yemant van heuren weghen dat zij dland voirs(creven) dwelc zij een deel/ jairen in pechtinghen gehadt heeft meer gemest en(de) gebetert mach hebbe(n)/ dan zij sculdich was te doen en(de) dair voe(r) e(n)nich rastoir beg(er)de te hebben/ dat sal mathijs voirs(creven) te hemw(er)t nemen en(de) op zijnen last die weduwe/ vors(creven) payen d(aer)af en(de) te vreden stellen [En(de) alle der vurw(er)den (et)c(etera)] Ende hier voe(r) zijn borghen/ des voirs(creven) mathijs alse principael sculde(re)n ongesundert en(de) elc voer/ all wouter vanden kerchove woenen(de) inde borsse te loeven en(de) henr(ick)/ nackairt woenen(de) te thienen Et p(ri)mus hoeven lynden febr(uarii) xxv