It(em) nae dien dat symoen van aerschot t(en) eenre ende jan van aerschot/ sijn brueder ter ande(re) come(n) sijn in rechte voir meye(r) ende scepen(en) van/ loven(en) als van dien dat de voirs(creven) jan van aerschot zeke(re) goede ghelege(n)/ t(er) sluysen van agneesen moeder der voirg(enoemde) ghebruede(re) in pechtinghen genome(n)/ hadde ind(en) welker onder meer ande(re) vurw(er)den bevurw(er)t was dat de/ selve jan den voirs(creven) symone jairlix de pechtinghe due(re)nde gheven/ soude twee mudden corens tienssche ende oick die goede loflick wynnen/ en(de) werven ghelijck de scepen(en) brieve van loven(en) d(air) op ghemaect/ feria s(e)c(un)da post quasi mo(do) li(br)[o] lxvi in media cam(er)a inhouden en(de) beg(re)pen/ van welken twee mudden corens voirs(creven) de voirs(creven) symoen in ghebreke/ es van betalinghen als vanden lesten t(er)mijne vander pechtinge(n) voirs(creven)/ ende oick vanden meswijnne(n) Ende de voirs(creven) p(ar)tijen nae die den dach/ uutghestelt hadden een maent dair af den dach op heden diende ald(air)/ de voirs(creven) jan niet en comp(ar)eerde den voirs(creven) symone comp(ar)erende/ en(de) recht voort versoekende soe hebben de scepen(en) van loven(en) ghewijst/ dat de voirs(creven) symon metten scepen(en) brieve(n) voirs(creven) sijn recht volghen/ mach ende sijn p(rese)ntacie doen teeken(en) ende heeft hij van costen enich/ ghebreck dat hij van dien volghe aen den burg(er)meest(er) cor(am) scabinis/ in scampno aug(usti) v[ta]