Allen den ghenen (et)c(etera) dat jacob vanden poele heeft geordineert gestelt/ en(de) gemaict ende met des(er) l(ette)ren ordineert stelt ende maict zijne p(ro)cur(eur)s/ en(de) voergang(er)s jordaene van deyl meester jacoppen de marca/ meester adriaens dullairt h(ere)n henricken [vacat] p(ro)chiaen/ te deurne ende raese vander rivie(re)n natuerlic in allen des voirs(creven)/ constitueerd(er)s geschillen ende bederven die hij nu te doen heeft/ of namails hebben sal in aenlegg(er)s of verweerd(er)s stad hoedanich/ die zijn Gevende en(de) verleenende de voirs(creven) constitueerder den/ voirs(creven) zijnen p(ro)cureurs en(de) elken bizunder thoenre des(er) volcomen/ macht auctoriteit ende zunderlinghe beveel alle de selve saken met/ rechte te verwaren te beschudden [te vervolgen] ende te bedinghen tallen plaetsen/ en(de) gerichten en(de) tegen eene(n)yegeliken dair dat behoeven sal moege(n)/ Ende desgelijcx om allen des voirs(creven) (con)stitueerd(er)s tsijze rinten/ pachten en(de) ande(re) schulden diemen hem nu sculdich es of namails/ wesen sal te manen teysschen op te boe(re)n en(de) tontfanghen/ en(de) die met rechte teysschen den sculde(re)n van heure(n) ontfange/ quijt te scelden ende quitancie te gheven dair voe(r) te panden te/ daghen en(de) rastamente te leggen de selve tsijze rinten pachte(n)/ en(de) sculden met rechte te vervolghen en(de) te bedinghen die te/ wynnen en(de) te verliesen tallen plaetsen en(de) voir alle gerichten/ dair dat behoeven ende te doen sal wesen en(de) alle poenten ende/ articulen van rechte dair toe te vorde(re)n die na recht of costume/ vand(en) plaetsen dair dat geboirt behoiren moegen En(de) voirts/ alle tghene d(air)inne en(de) in des d(air)aen cleven mach te doen en(de) te/ vord(ere)n het zij inden rechte of dair buyten dat de voirs(creven) constitueerd(er)/ selve doen soude of mochte wairt dat hij tegewoirdich en(de) voer/ oeghen wa(r)e Geloven(de) vast (et)c(etera) Cu(m) (com)put(acione) (et) revoc(acione) cor(am)/ roel(ofs) burg(imagistro) lyemi(n)ghen hoeven scab(inis) m(ar)cii xxiii