It(em) willem vander loe wonen(de) te mechelen heeft geconstitueert sijn p(ro)cur(eur)s/ en(de) voirgang(er)s pete(re)n van ov(er)dijle weerdt inden wildeman te loven(e) janne/ van ost ende willem(me) van leefdale ende elken besundert in allen sijne(n) saken/ en(de) stucken die hij nu te doene heeft oft naemaels hebben sal teghen roelove/ roelofs sijne(n) sweer in aenlegg(er)s oft verw(eer)ders stat Gevende ende v(er)lenen(de)/ de voirs(creven) willem den voirg(enoemde) sijne(n) p(ro)cur(eur)s ende elken besundert volcome(n) macht/ en(de) sunderlingh bevel alle de selve saken te bedinghen te verwae(re)n en(de) met rechte/ te vervolghen totten ynde uut vanden rechte voir alle richte(re)n gheestelijck en(de)/ weerlick dair des sal van noede moghen wesen ende alle pointen van/ rechte dair inne te houden(e) en(de) te vorderen(e) die hen orberlijck d(air) inne sulle(n) duncke(n)/ ende nae recht vanden plaetssen dair dat geboert behoren moghen Ende/ voortaen g(e)n(er)alic en(de) sp(eci)alick allet tghene dair inne te doene en(de) te vorderen(e)/ dat de voirs(creven) willem selve soude moghe(n) doen wairt dat hij ald(aer) p(rese)nt en(de)/ voir oeghen wa(r)e Promitt(ens) rat(um) cor(am) m(er)sels hoeve(n) m(ar)cii xxiiii