Allen den ghenen (et)c(etera) peeter vanden winckele platijnmake(r) ende heeft/ gheordineert ghestelt ende ghemaect ende met des(en) l(ette)ren ste ordineert stelt/ ende maect sijn p(ro)cur(eur)s ende voirgang(er)s janne van ost ende willeme/ lobbe platijnmake(r) ende elken besund(er)t in allen sijne(n) zaken geschille(n)/ ende bederve(n) die hij nu te doene heeft oft naemaels hebben sal in ae(n)legg(er)s/ oft verweerd(er)s stad hoedanich die sijn Gheven(de) ende verleenende de voirs(creven)/ peet(er) den voirs(creven) sine(n) p(ro)cur(eur)s ende elken besundert volcome(n) macht auctoriteyt/ en(de) zunderlinghe beveel alle deselve zaken met rechte te verwae(re)n te bescudden/ te vervolgen ende te te bedinghen tallen plaetssen ende gerichten ende teghen/ eene(n)yegelijken dair dat behoeven sal moghen Ende desgelijx om alle des/ voirs(creven) peet(er)s chijsen rinten pachten lijft(ochten) ende ande(re) schulden diemen hen nu/ schuld(ich) es oft naemaels wesen sal te mane(n) teysschen op te bue(re)n en(de) tontfange(n)/ den schulde(re)n van des sij oft e(n)nich van hen ontfangen sal hebben quijt te/ schelden(e) ende quitan(cie) te gheven(e) Dair voe(r) te panden(e) te daghen(e) en(de) rastame(n)te/ te doen leggen(e) composicie en(de) mynlijke yffeninghe d(air) af te maken(e) ende oick/ de selve chijse rinten pachten en(de) schulden met rechte te vervolgen en(de) te bedinge(n)/ die te wynne(n) en(de) te verliesen tallen plaetssen ende voir alle rechte(re)n dair dat/ behoeve(n) ende te doen sal wesen ende alle manie(re)n en(de) article(n) van rechte dair/ toe te vorde(re)n die nae recht oft costume vanden plaetssen dair dat gheboert/ behoiren moghen Ende voorts allet ghene dair inne te doene en(de) te/ voirderen(en) dat de voirs(creven) pet(er) vanden winckele selve soude moghen doen wart/ dat hij p(rese)nt ende voir oeghen wae(re) P(ro)mitt(ens) rat(um) due(re)nde (et)c(etera) salvo/ iusto calculo cor(am) roelofs burg(imagistr)[o] m(er)sels lynden scab(inis) maii x[a]