Allen den ghenen die dese l(ette)ren sullen soen oft horen/ lesen burgermeeste(re)n scepen(en) en(de) raide der stat/ van loven(e) saluyt doen cont en(de) te weten dat/ opden dach datum van desen voir ons comen is/ her gordt g van buydel priester tot desen renu(n)cie(re)nde/ alle vridich(eiden) en(de) p(ri)vilegien d(er) univ(er)siteit va(n) loven(e)/ heeft geconstitueert gesedt volcomen macht p(ro)curacie/ en(de) auctoriteit gegheven janne de bruyne metsere/ willem(me) van leefdale en(de) janne van ost en(de) joese/ van oirbeke en(de) elcken van hen besunder met rechte/ te verantweerden en(de) te vervolghen alsulken questie/ en(de) twedracht die is tusschen hem in deen zijde/ der weduwen jans wilen wellens en(de) henricke
//
cadock alse van huer(er) beider erve neven een/ gelegen inde bieststrate en(de) des dair aen cleeft/ En(de) vortaen alle en(de) yegewelcke zijn ande(re) saken/ die hij te doen heeft oft namaels te doen hebben/ sal moghen tegen wat p(er)sonen dat dat zij alle/ sijn jairgulde chijse renten erfpachten en(de) sculden/ te manen teysschen opteboren en(de) tontfangen dair/ voir te panden te daghen rastementen te doen leggen/ die met rechte texequeren getuygen te leiden/ en(de) al des vors(creven) steet te bedinghen te wynnen/ en(de) te verliesen d(air) op te replice(re)n te duplice(re)n/(et)c(etera) getuygen te leyd(en) (et)c(etera) quit(ancie) te gheve(n) (et)c(etera) En(de)/ vortaen generalic (et)c(etera) P(ro)mitt(ens) ratu(m) salvo/ iusto calculo cor(am) tybe burg(imagist)[ro] blanck(aer)t lynden maii/ xiii