It(em) also als katline van werchte(re) geheten daems op der stad wissel va(n) loeven/ beslaghen en(de) in rastamente gedaen hadde zeke(re) pe(n)ninghe lodewijcke willem(air)/ soen wilen lodewijcks toebehoiren(de) aldair staende voe(r) schout die de selve/ lod(ewijck) der vors(creven) katlinen sculdich was en(de) zij voe(r) de selve schult op de/ selve pe(n)ninghe svoirs(creven) lodewijcks tvoirs(creven) rastament gevolght heeft met/ iii behoirliken genechten en(de) de conde van dien gedaen te loeven ten huyse/ joes messuyns aldair de voirs(creven) lodewijck lestwerf woenachtich was/ gelijc zij dat met den diene(r) onss gened(ichs) h(ere)n gethoent heeft p(rese)nte(re)nde/ heur schult te groetsen bij heuren eede Ende heure tot der verificacie(n)/ en(de) groetsinghen van heurer schult bij vo(n)niss(en) der scepen(en) van loeven/ gewesen zijnde die met heurer eed geverificeert en(de) gegroetst heeft/ gedragende tot xii stuv(er)s toe zonder cost ende co(m)mer d(air) op geloepen/ So hebben de scepen(en) van loeven gewijst dat der voirs(creven) katlijnen/ heure geverificeerde schult aen de vors(creven) pe(n)ninghe volgen sal cor(am)/ om(n)ibus scabinis in scampno maii xxi