It(em) allen den ghenen (et)c(etera) doen te weten(e) dat opden dach van heden/ voir ons comen sijn in p(ro)pren p(er)sone cornelijs busscops wonen(de) te/ berthem ende beatrijs kerstiaens sijn wijff ende hebben gemaect/ gestelt ende gheordineert huer(er) p(ro)cur(eur)s ende voirgang(er)s janne van ost/ willem(me) van leele ende janne van borre en(de) elken besundert te wesen/ haer p(ro)cur(eur)s ende voirgang(er)s in allen hue(re)n saken ende bederve(n) die sij/ nu te doene hebben oft naemals hebben sullen in aenlegg(er)s oft v(er)weerd(er)s/ stad hoedanich die sijn Gheven(de) en(de) v(er)lenende de voirs(creven) constitueerd(er)s den/ voirs(creven) hue(re)n p(ro)cur(eur)s ende elken besund(er)t toenre des(er) volcome(n) macht en(de)/ auctoriteyt alle de selve saken met rechte te verwa(r)en te bescudden/ te verantw(er)den te v(er)volgen en(de) te bedinghen Ende desgelijcx om alle des/ voirs(creven) constitueerd(er)s chijse renten pachten ende ande(re) schulden diemen hen/ nu schuld(ich) es oft naemaels wesen sal te mane(n) teysschen opte bue(re)n/ en(de) tontfanghen den schulde(re)n van hue(re)n ontfanghe quijt te schilden(e) en(de)/ quitan(cie) te gheven(e) dair voe(r) te panden(e) te dagen(e) en(de) rastamente te doen/ legghen(e) composicie en(de) mynlijke yffeninghe d(air) af te maken(e) ende oick/ de selve chijse rinten pachten ende sculden met rechte te vervolgen(e)/ en(de) te bedingen(e) die te wynnen(e) en(de) te verliesen(e) Ende voertaen g(e)n(er)alick/ en(de) sp(eci)alick allet gene dair inne te doene en(de) te vorderen(e) dat de voirs(creven)/ gheconstitueerd(er)s selve soude mogen doen waert dat sij ald(air) p(rese)nt ende/ voir oeghen name waren due(re)nd(en) (et)c(etera) P(ro)mitt(entes) rat(um) due(re)nde (et)c(etera)/ cor(am) eisd(em)