Item het zij(n) comen in rechte voer meye(r) en(de) scepen(en) van loeven arnd/ vanden broecke als man en(de) momboer marien smelt(er)s in deen zijde/ en(de) henrick vander balckt als momboir katlinen smelt(er)s zijne(n)/ wijfs zuster der voirs(creven) marien t(er) ande(re) aldair de voirs(creven) arnd/ aensprack den voirs(creven) henricken zeggende dat zij in wed(er)zijde/ geco(m)pareert wa(r)en geweest voer scepen(en) van berthem en(de) hadde/ de voirs(creven) henr(ick) aldair voer scepen(en) gelooft alle de goede die/ hij aenveerd hadde na de doot katlinen wilen hochts weduwe/ goirds wilen smelt(er)s en(de) zweg(er) des voirs(creven) arnds ende henr(icks)/ inden sterfhuyse te bringhen en(de) desgelijcx alle ande(re) goede die hij/ gehadt hadde vander selver katlinen om tusschen hen gelijc gedeilt/ te worden Dair op de voirs(creven) henrick antwerde zeggende al wairt/ zo dat die gelufte voer scepen(en) van berthem geschied mocht zijn/ so hebben hen nochtans dair na hij henrick ter eenre en(de) arnd/ ter ande(re) gesubmitteert van dien in zegg(ere)n te weten in joese de/ pape henricken blanckairt en(de) daneele van halleer Welke zegg(er)s/ heur uutsprake van dien gedaen hebben en(de) die gedaen zijnde de/ selve p(ar)tien de selve uutsprake van weerden gehouden hebben en(de)/ deen den ande(re)n quijtgeschouden in all der manie(re)n also die/ uutsprake inhoudt en(de) malcande(re)n geconsenteert gelijc te heffene/ ende elc den ande(re)n rekeninghe dairaf te doene In welker/ uutspraken gelijc de selve arbit(er)s dat getuyght hebben geseeght/ en(de) uutgesproken es na inhoudt eender cedullen in rechte ov(er)gegeve(n)/ dairaf de tenue(r) hier na volght Inden yersten so zijn come(n)/ arnd vanden broecke ende henrick vander balck ende hebben genome(n)/ drie arbit(er)s te weten joes de pape henrick(e) blanckairt ende/ daneele van halleer in welken arbiters zij gehelic ende all/ bleven zijn It(em) het es wair dat voer en(de) eer dese arbit(er)s het/ zeggen aenverden wouden versocht hebben aen arnden en(de) henricke(n)/ voirger(uert) dat zij malcande(re)n quijtschilden souden van all dat zij tot/ malcande(re)n tseggen hebben van twiste geluften oft crijghe en(de)/ hen verbinden te houden tgheen dat zij seggen souden op een(en)/ banduyn dwelck arnd en(de) henrick also gedaen hebben en(de) gelooft/ te houden in handen vanden diene(r) en(de) in p(re)sencien van poirt(er)s/ op de pene van drie nobels Hebben dese arbiters hier/ op uutgesproken en(de) geseyt voir een uutsprake te samen accorde(re)nde/ inden iersten dat arnd en(de) henr(ick) voirger(uert) behouden zelen tgheen/ dat zij gehaven hebben elc voer zijn hoet tot den dage toe van/ heden en(de) dat behouden It(em) zegghen noch dat arnd en(de) henr(ick)/ voirger(uert) sullen deylen alle de erflike goede hun verstorven zijnde
//
van goorde de melte(re) dair hij uut starf als zijn p(ro)per erve te gelijc/ zonder argelist Ende zo wanneer die deylinghen gedaen waer/ tusschen arnde ende henr(icke) voer genoemt zo soude henrick vors(creven)/ arnde gheven vijf pet(er)s eens te xviii stuv(er)s tstuc en(de) een mudde/ rogs eens Dese uutsprake gedaen zijnde zo hebbe(n)se arnd en(de)/ henr(ick) van weerden gehouden en(de) deen dander quijtgescouden in/ alder manie(re)n als die uutsprake inhult en(de) malcande(re)n dair op een/ drincken bracht en(de) hebben malcande(re)n geconsenteert te heffen gelijc/ en(de) d(air)af goede rekeninghe te doene deen den ande(re)n So es/ ten uutersten bijde he(re)n scepen(en) gewijst van loeven gewijst dat de/ voirs(creven) p(ar)tien elc der ande(re) voldoen sal navolgende der uutsprake(n)/ vorscr(even) cor(am) abs(oloens) miles blanck(aer)t m(er)cels hoeven lynden junii/ xxi