Allen den ghenen (et)c(etera) burg(er)meest(er)s (et)c(etera) saluyt met kennissen der/ waerheyt doen te weten dat opden dach van heden voir ons comen es/ in p(ro)pren p(er)soene jacop du crocq gheheeten a(ux) enfans onse ingeseten/ poirte(r) ende heeft met sijne(n) vrijen eygen(en) wille geconstitueert gesedt en(de)/ volcomen macht gegeve(n) gielijse hanckaert ende willem(me) van leefdale/ en(de) elken besundert o(m)me alle die goide ende p(ro)fijten der selve(r) chijsen rente(n)/ vervallen en(de) schulde(n) den voirs(creven) jacoppe toebehoren(de) te loven(e) en(de) elswair/ bynnen den lande van brabant gheleghen ende men hem schuldich es oft/ naemaels wesen sal te rege(re)n te manen teysschen opte bue(re)n en(de) tontfange(n)/ aen wat p(er)soene(n) oft goiden oft te wat steden oft plaetssen dat dat sijn mach/ dair voe(r) te panden(e) te dagen(e) te beleyden(e) en(de) rastamente(n) te doen leggen(e) oft/ and(er)ssins soe dat nae recht vand(er) plaetssen dair dat behoe(re)n sal oft/ behoeve(n) soude moghe(n) te p(ro)cede(re)n ende op dats doot ghebuerde voir alle/ richte(re)n gheestelick oft weerlick met rechte te vervolgen(e) te verantw(er)den(e) te/ bescudden(e) ende te bedinghen(e) die te wynnen(e) ende te verliesen(e) composicie/ en(de) mynlijke yffeninghe dair af te maken(e) den sculde(re)n van des hij/ ontfanghen sal quijt te schilden(e) en(de) quitan(cie) te gheven ende voortaen/ g(e)n(er)alick ende sp(eci)alick allet ghene dair inne te doene en(de) te vorderen(e)/ dat de voirs(creven) jacop selve soude moghen doen indien dat hij ald(air) p(rese)nt/ en(de) voir oeghen wae(re) P(ro)mittens rat(um) due(re)nde (et)c(etera) cor(am) roelofs burg(imagistr)[o]/ blanck(ar)t hoeven scab(inis) sept(embris) vii[ma]