Item jan vander braken ter eender zijden en(de) peter theeus/ ter ande(re) hebben hen vanden stoote die zij underlinge(n)/ hebben gehadt eene lange wile tijts beide voir de wet/ te loven(e) en(de) inde bencken van meerhout en(de) gheele om/ twee mudden corens erflijc en(de) d(er) bladingen van eene(r)/ beemde ende meer ande(re)n erfgoeden gecomen van gielijse wilen vanden/ broecke en(de) wilen alijten zijnen wive en(de) van all des dien ae(n)cleve(n)/ mach en(de) voirt van allen ande(re)n saken en(de) actien die zij malcand(ere)n/ eysschende zijn moeghen en(de) desgelijcx vanden costen die zij om/ der voirs(creven) saken wille gedaen hebben in p(rese)ncia (et)c(etera) hebben hen v(er)bonde(n)/ ende gesubmitteert in wed(er)zijde inde eendrechtighe uutsprake va(n)/ claese van bakele thoemase vanden p(er)re scepen(en) te gheele m(er)tene/ van bruekele janne vander sluysen ende janne van zwertgoere/ die informacie bij gescorste oft anderssins in wederzijde genome(n)/ hebbende heure uutsprake doen sullen bynnen xiiii nachten naistc(omende)/ P(ro)mitt(entes) rat(um) q(uo)libet sub pena xl coronar(um) mediatim d(omi)no duci/ brabancie et mediatim d(omi)no de p(er)weiz p(er)solven(da) abs(oloens) hoeven/ oct(obris) p(ri)ma