Allen den ghene(n) die dese l(ette)ren sullen sien oft hoe(re)n lesen/ burg(er)meest(ere)n scepen(en) en(de) raid d(er) stad van loven(e) saluyt/ met ke(n)nissen d(er) waerh(eit) doen te wetene dat opden dach/ van heden voir ons comen is in p(ro)pe(re)n p(er)soene mathijs dillen/ legwerke(r) onse ingeseten poirte(r) en(de) heeft in alle d(er) bester/ vorme(n) en(de) manie(re)n soe dat nae recht best mach diene(n) ende/ behoe(re)n oppenbaerlic ge(con)stitueert gesedt en(de) volcome(n) macht/ p(ro)curacie en(de) auctoriteit gegeve(n) tot sine(n) wed(er)roepe he(re)n/ pete(re)n dillen prieste(r) capellaen ind(er) kerke(n) va(n) sinte peet(er)s/ te loven(e) sine(n) neve alle en(de) iegewelke sijn zaken die/ hij nu te doen heeft oft namaels te doen sal moge(n) hebben/ hoedanich die sijn oft sulle(n) wesen Ende voirt alle sijn jaer/ gulden sculden opcomi(n)gen p(ro)fijten v(er)valle(n) goede beruerlic ende/ omberuerlic chijsen rinten pachten lijfrente(n) die hij nu heeft/ oft namaels vallen mochten oft toecomen te wat steden oft/ plaetsen dat dat sij Te v(er)ware(n)ne te regere(n)ne te manen/ teysschen op te buere(n)ne en(de) te ontfanghen tege(n) oft aen wat/ p(er)soene(n) oft goede(n) dat dat sijn mach dair voe(r) te panden te/ dagene te beleidene en(de) rastame(n)te te doen leggen die met/ rechte te exeque(re)n te v(er)volgen en(de) te vorde(re)n alle brieve met/ rechte te vo(n)nissen nae costume en(de) gewoente(n) vanden plaetse(n)/ d(air) dat behoren sal oft behoeve(n) soude moghen En(de) op/ dats noot gebuerde voir alle richte(re)n geestelic en(de) weerlic/ die sake(n) in aenlegg(er)s oft verweerd(er)s stat te rechte te betrec/ kene en(de) te bedingene te v(er)antwerde(n) en(de) te bescuddene al/ des vors(creven) steet alsoe wel de beruerlike goede chijsen rinten/ en(de) pachten voirg(eruert) als and(er)s met rechte te wynne(n) en(de) te v(er)liese(n)/ composicie ende mynlike yffeni(n)ge va(n) al des vors(creven) is te/ make(n) den sculd(er)s va(n) des hij ontfange(n) sal te quite(re)n
//
ende quitan(cie) te geven en(de) dae(re)n bove(n) alle sijn omberuer/ like goede te wat plaetsen oft steden die gelegen sijn/ te v(er)pachten te v(er)hue(re)n oft met jaerscha(r)en uut te gheve(n)/ En(de) voirtaen generalic en(de) specialic alle tghene d(air) inne/ te doene en(de) te vorde(re)n dat de vors(creven) mathijs selve soude/ moghen doen oft vorde(re)n in enig(er) manie(re)n waert dat hij/ telk(er) tijt en(de) plaetsen teg(ewoirdich) en(de) voir oghen wa(r)e Geloven(de)/ de vors(creven) mathijs voir ons in goed(en) trouwen opde ver/ bintenisse va(n) allen sine(n) goeden tegewordige en(de) toecomen(de)/ v(er)cregen oft te v(er)crigene beruerlic en(de) omberuerlic hoe/ danich die sijn wair sij geleg(en) sijn oft bevonde(n) mochten/ worden goet vast gestentich omv(er)brekelic en(de) va(n) weerden te/ houden en(de) te hebben tot ewigen daghen alle tgene des/ biden vors(creven) sinen p(ro)cur(eur) indes vors(creven) steet [en(de) in des dair ae(n) cleve(n) oft uutspringe(n) sal moge(n)] e(n)nichsins gedaen/ en(de) gevord(er)t sal worden Salvo iusto calculo cor(am) duffle/ substituto burg(imagistro) m(er)cels hoeve(n) scabinis oct(obris) xii