Het zijn comen in rechte voir meye(r) ende scepen(en) van loven(e)/ henricus steyman als p(ro)cur(eur) henricx wynricx die gheleyt es/ tot den goiden arnts wijlen lobbe ende arnts sijns zoens voir/ den tenue(r) van scepen(en) brieve(n) spreken(de) van vier rinssche gulden(en)/ lijft(ochten) ten live jacops van raveschote zone wijlen jacops ende/ joffr(ouwen) elzen van meerbeke sijnre huysvrouwe(n) en(de) ten lanxte(n) leven(de)/ van hen beyden welken brief de voirs(creven) henrick wynricx ten selven/ rechte ov(er)hadde vanden voirs(creven) jacoppe van raveschote zone wijle(n)/ jacops in deen zijde ende jacop van hornick ende jan de weert/ in dande(re) aldair de voirs(creven) henricus steymans als p(ro)cur(eur) dede segghen/ dat de voirs(creven) jacop en(de) jan de weert hem onghebruyck deden ende/ voir hielden zeke(re) goide ghelegen te wespelair [en(de)] inden ambachte vand(en)/ vuere(n) ende van vilvoerden in div(er)se plaetssen en(de) stucken ghelijck de
//
brieve ende p(ro)thocollen dair op ghemaect dat inhouden en(de) begrepe(n)/ zonder de voirs(creven) brieve en(de) de lijftochte dair inne beg(re)pen te vernuegen(e)/ oft te betalen(e) Seggen(de) voorts dat die goede toebehoerden den voirscr(even)/wijlen arnde wijlen lobbe doen hij leefde ende nae de doot van hem/ toebehoerden arnde lobbe den zone midts deylinghen tusschen hem en(de)/ sijne(n) mede deylders ghedaen ende ghepasseert Bieden(de) dat te thonen(e) (et)c(etera)/ Beghe(re)nde ende versueken(de) dat de voirs(creven) goide sijne(n) bekynde(n) toebehoren(de)/ hem ende sine(n) beleyde tot behoef sijnre wettig(er) schult aenghewesen/ wordden om die t(er) execucie(n) ghestelt te wordden(e) tot den voldoene der/ wettig(er) schult voirs(creven) P(rese)nteren(de) de selve schult met den ghenen dair/ mede dat nae recht behoert te v(er)ificeren(e) Dair op de voirs(creven) jacop/ vanden hornicke en(de) jan die weert deden segghen dat sij inde voirs(creven)/ goede ghewarichlijken en(de) dueghdelijken soe jeghen arnde lobbe den/ jonghen soe jeghen ande(re) die die goide jeghen den selve arnde/ ghecocht ende ghecreghen hadde(n) ende met hue(re)n pe(n)ninghe(n) gecocht/ en(de) gecreghen hebben ende voir hoff ende hee(re) dair inne ghegoeyt en(de)/ gheerft sijn ende acht(er)volgen(de) dien die possessie van dien ghehadt/ ende noch hebben Seggen(de) voort dat de voirs(creven) goide den voirs(creven) arnde/ lobbe jeghen den voirs(creven) willem(me) lobbe sijne(n) brueder in deylinghen gevalle(n)/ sijn ende dat willem lobbe dair af vertheghen heeft en(de) ghelufte/ ghedaen van ghenoech doene en(de) waerschape Seggen(de) voorts dat/ de voirs(creven) henrick wynnicx hoewale hij gheleyt es gelijck voirs(creven) steet/ dat es nochtan in orbere ende p(ro)fijte van willeme lobbe voirscr(even)/
//
Seggen(de) voorts dat die selve willem lobbe in die voirs(creven)/ vier rinssche gulden(en) lijft(ochten) met scepen(en) brieve(n) dair aff/ ghemaect a(l)soe wale als borghe sijns vaders verbonden es/ als de voirs(creven) arnt lobbe Bieden(de) dese voirs(creven) pointen te/ thonen(e) met den mynsten (et)c(etera) Seggen(de) voort dat de voirs(creven)/ willem lobbe in handen heeft ghenome(n) en(de) noch es houden(de)/ en(de) possesserende iiii(½) dach(mael) lants ghelegen t(er) haeyet die/ nochtan den voirs(creven) arnde jegen den selve(n) willeme in deylinge(n)/ gevallen sijn ende welke iiii(½) dach(mael) meer weert sijn dan/ de voirs(creven) lijftochte huer ghedraeght ende beyde p(ar)tijen tot hue(re)n/ thonisse ghewijst ende dat bij scepen(en) ghehoort Soe hebben/ die nae arnsprake verantw(or)den en(de) thonisse van beyde p(ar)tijen/ ghewijst voir een vo(n)nisse dat de voirs(creven) p(ro)cur(eur) met den voirscr(even)/ beleyde verdoolt es aen de voirs(creven) goide soe [verre] dat noch voir scepen(en)/ come(n) es cor(am) lyemi(n)ge(n) absoloens abs(oloens) blanck(aer)t hoeven m(er)sels/ lynden novembr(is) xxiii