Allen den ghenen (et)c(etera) dat henrick zannen woenen(de) nut(er)tijt topvelpe/ heeft geordineert gestelt ende gemaict en(de) met des(en) l(ette)ren ordineert/ stelt en(de) maict zijnen p(ro)cureur en(de) voergange(r) henricken van den/ daelhem zijnen behuwden sone in allen des voirs(creven) constitueerd(er)s/ saken geschillen ende bederven die hij nu te doen heeft of namails/ hebben sal in aenlegg(er)s oft verweerd(er)s stad hoedanich die/ zijn en(de) tot allen plaetsen dair des te doen sal moegen wesen/ Gevende en(de) verleenen(de) de voirs(creven) constitueerd(er) den voirs(creven) zine(n)/ p(ro)cureur volcomen macht aucto(r)iteit en(de) zunderlinghe beveel/ alle de selve saken met rechte te verwaren te beschudden te/ vervolghen en(de) te bedinghen tallen plaetsen en(de) [voer alle] gerichten en(de)/ tegen eene(n)yegeliken daer dat behoeven sal moegen En(de) desgelijcx/ om alle des voirs(creven) constitueerd(er)s tsijze rinten pachten en(de) ande(re)/ sculden diemen hem nu sculdich es of namails wesen sall/ te manen teyschen op te boe(re)n en(de) tontfanghen en(de) die met/ rechte teysschen den sculde(re)n van zijnen ontfanghe quijt te/ schelden en(de) quitancie te gheven te panden te daghen en(de)/ rastamente te leggen composicie en(de) mynlike yffeni(n)ge d(air) af/ te maken En(de) alle des vors(creven) constitueerd(er)s goede hoedanich/ die zijn te verhue(re)n te verpachten en(de) met jairschae(re)n uut/ te gheven en(de) oic de selve tsijze rinten pachten en(de) sculden/ met rechte te vervolgen en(de) te bedinghen die te wynnen en(de)/ te verliesen tallen plaetsen en(de) voer alle gerichten daer dat/ behoeven en(de) te doen sal wesen en(de) alle poenten en(de) articule(n)/ van rechte d(air)toe te vord(ere)n die na recht of costume vand(en) plaetse(n)/ dair dat geboert behoiren moegen [en(de) den vors(creven) p(ro)cur(eur) orb(er)lic duncken selen] En(de) voerts alle tghene (et)c(etera)/ Geloven(de) vast Cu(m) computa(ti)[o(n)e] et revoc(actione) Cor(am) duffle sub(stitu)[to]/ burg(imagistro) blanckairt hoeven scabinis dec(embris) xiii