Allen den ghenen (et)c(etera) burg(er)meest(er)s (et)c(etera) saluyt met kennissen/ der wairheyt doen te weten(e) dat opden dach van heden voir ons/ come(n) es in p(ro)pren p(er)soene joff(rouwe) marie van dormale weduwe will(e)ms/ wijlen droddeal ende heeft in alder best(er) formen en(de) manie(re)n soe dat/ nae recht best mach diene(n) ende behoren gheconstueert ghesedt en(de)/ volcomen macht p(ro)curacie en(de) auctoriteyt ghegeve(n) janne ende pete(re)n/ van dormale ghebruede(re) hue(re)n neve(n) kinde(re)n wijlen augustijns ende/ elken besundert te wesen hair p(ro)cur(eur)s in allen hue(re)n zaken die sij te/ doene heeft oft naemaels hebben sal Ende voort om alle en(de) yegewelke/ hair goede chijsen rinten pachten [lijft(ochten)] jairgulden vervallen en(de) schulden der/ voirs(creven) joff(rouwe) marie(n) toebehoren(de) te loven(e) en(de) elswair soe wair die gelege(n)
//
sijn oft bevonden sullen wordde(n) en(de) men huer schuldich es oft naemaels/ wesen sal te manen teysschen op te bue(re)n ende tontfanghen aen wat p(er)soene(n)/ oft goiden oft te wat steden of plaetssen dattet zij dair voe(r) te panden(e) te/ dagen(e) te clagen(e) en(de) rastamente te doen leggen(e) nae gewoente en(de) costume/ vand(en) plaetssen dair dat behoe(re)n sal oft behoeve(n) soude mogen ende op/ dats noot ghebuerde voir alle richte(re)n gheestelick ende weerlick met rechte/ te vervolgen(e) te vervolgen(e) te verantweerden(e) te bescudden(e) en(de) te bedingen(e)/ die te wynnen(e) en(de) te verliesen(e) [thonisse(n) en(de)] vo(n)nissen en(de) senten(cien) teysschen(e) composicie/ en(de) mynlijke yffeninghe d(air) af te maken(e) den schulde(re)n van des sij oft e(n)nich/ van hen ontfanghen sal quijt te schillden(e) en(de) quitan(cie) te gheven en(de) voirtaen/ g(e)n(er)alick en()de sp(eci)alick al tghene dair inne te doene en(de) te vorderen(e) dat de voirs(creven)/ joff(rouwe) marie selve soude moghen doen wairt dat sij ald(air) p(rese)nt en(de) voir oeghen/ wae(re) P(ro)mitten(s) rat(um) due(re)nde (et)c(etera) Cor(am) tybe burg(imagistr)[o] blanck(ar)t m(er)sels scab(inis)/ dec(embris) xiii