It(em) zal tvoirs(creven) recepit bliven liggende onder scepen(en) van lov(en) te deser/ meyninghen hoewel de voirs(creven) goede met den voirs(creven) contulit uutgegeve(n)/ zijn inder vueghen voirs(creven) den voirs(creven) janne van boxelair ende de/ betalinghe vanden viii cronen dair inne begrepen steet gedaen/ te werdene henricken de coste(re) zone der voirs(creven) joff(rouwen) katlinen ysacx/ en(de) de voirg(enoemde) peter vander hoeven ende jan de custe(re) heur heffen d(air)inne/ behouden hebben So es nochtans vorwerde tusschen den voirs(creven) henricken/ de custe(re) zone der voirs(creven) joff(rouwen) katlinen ende pet(ere)n vander hoeven ende/ janne de custe(re) ter eenre zijden en(de) der voirs(creven) joff(rouwe) katlinen ysacx met/ jannese van euggenbosch heuren man moeder svoirs(creven) henricks t(er) ande(re)/ dat tvoerlijf vanden vercochten goeden voirs(creven) gedragende ter so(m)men/ van lxxx cronen [te xxiiii st(uvers) tstuc] sal bekeerd worden in erfrenten en(de) dat die v(er)cregen/ erfrinten met den voirs(creven) viii cronen dair voe(r) thuys uutgegeven/ es zullen staen ende zijn van geliker natue(re)n van successien van/ rechte ende van gebruyckene tusschen der vors(creven) joff(rouwe) katlinen d(er)/ moeder ter eenre en(de) den voirs(creven) henricken heuren sone t(er) ande(r) zijden/ om elken van hen beiden zijn recht inde selve rinten te hebbene/ dwelck elc van hen int voirs(creven) huys soude hebbe gehadt alleer tselve/ huys ov(er)gegoedt was Met vorwerden oft de voirs(creven) rinten in/ toecomenden tijden afgequeten worden datmen de pe(n)ninghe van dien/ alt(oes) weder aenleggen sal in gelike erfrinten en(de) te geliken rechte eisd(em)