It(em) claes boene vleeschouwe(r) die teghen vrouwe marien van/ ophem weduwe h(ere)n jans wijlen swaefs ende hue(re)n kinde(re)n gecocht/ hadde een wynhoff gheheeten myng(er)loe met allen den chijsen renten/ in capuynen gansen ende anders ende allen ande(re)n sijne(n) toebehoirte(n)/ ende dair af guedinghe ontfanghen voir hove en(de) he(re)n opden xxi[te(n)]/ dach van februario a(n)no lxxi Met sulker vurw(er)den dat de voirscr(even)/ kinde(re) samentlick ende elck van hen alleene de voirs(creven) goide soude/ moghen quijten bynnen twee jairen dae(r) naest volgen(de) niet wed(er)/ staen(de) der guedinghen voirs(creven) in p(rese)ncien der scepen(en) van loven(e) gestaen/ heeft ghekent ende ghelijt dat henrick swaefs zone der voirs(creven) vrouwe/ marien de voirs(creven) goede met sijne(n) eyghenen p(ro)pre pe(n)ninghen goets/ tijts bynne(n) den voirs(creven) twee jairen deughdelijck ende volcomelijck/ ghequeten heeft ende hem de pe(n)ninghe vanden coope volcomelijck/ gherestitueert met gad(er)s den heerlijken rechten ende costen costen van
//
wetten vanden hoven dair onder de voirs(creven) goide hoiren ende costen van/ rep(ar)acien bijden voirs(creven) claese ten tijde van sijnre possessien aen de voirs(creven)/ goide ghedaen ende alle ande(re) onghelde hoedanich die sijn Bekennen(de)/ de voirs(creven) claes hem vanden p(ri)ncipalen pe(n)ninghen die hij vore de/ voirs(creven) goide ghegeven hadde ende alle ande(re) oncosten voirgheruert/ bijden voirs(creven) henricken in ghereden betaelden pe(n)ninghen volcomelick/ vernueght ende betaelt sijnde den selven henricken van allen vurw(er)de(n)/ der voirs(creven) comanscap aengaen(de) ende oick vanden voirs(creven) pe(n)ninghen vande(n)/ coepe ende allen costen ende [alle(n)] acht(er)stellighen pachten volcomelijck quite(re)nde/ ende absolve(re)nde ende ontlasten(de) voir hem sine(n) erve(n) ende naecomelinghen/ tot ewighen daghen P(ro)mitten(s) nullat(enu)s alloqui cor(am) absoloens mil(ite)/ blanck(aer)t m(ar)cii xii