It(em) na dien dat brueder wouter van wersbeke meester ende p(ro)cureur/ sgoidshuys van meeghdendale toplynthe(r) ende oic als p(ro)cur(eur) joff(rouwe) goedelen/ van dongelberghe p(ro)fesse des voirs(creven) goidshuys geleidt zijnde tot/ den goeden wouters en(de) symoens van dongelberghe bruede(re)n der vors(creven)/ joff(rouwe) goedelen alse van drie sacken tarwen lijftochten ten live der/ voirs(creven) goedelen heure te betalen also langhe als joff(rouwe) goede heur/ moeder leven soude en(de) voer i(½) zack tarwen heure te betalen also/ langhe als zij leven sal in deen zijde en(de) de voirs(creven) symoen in/ dande(re) als vanden achterstelle der selver iii zacken tarwen va(n)/ vier jairen verschenen voe(r) de doot der voirs(creven) joff(rouwe) goedelen der/ moeder en(de) desgelijcx vander betalinghen van i(½) zacke tarwen/ staende tot hueren live vanden achterstelle der selver van twee/ jairen verschenen Vanden welken de voirs(creven) symoen kynde den/ voirs(creven) anderhalven zack tarwen ii jair verschenen na de doot vand(er)/ moeder sculdich te zijne seggende voirt dat hij dande(r) iii/ zacke die voe(r) de doot der moeder van vier jairen verschenen/ waren betailt heeft eenen geheten jan ghielijs alse p(ro)cureur der/ voirs(creven) joff(rouwe) goedelen der dochter biedende dat te thoenene en(de)/ te bewijsene Ende tvo(n)nisse van dien gewijst heeft dat de/ voirs(creven) symoen gehouden soude zijn betalinghe te doen vanden/ voirs(creven) i(½) zacke tarwen van twee jairen verschenen en(de) vanden/ acht(er)stelle na de doot vander moeder gewesen was tot zijnen/ thoenisse gelijc de voervo(n)niss(e) van dien staende vijf daghe in/ merte lestleden dat voirder inhouden en(de) begripen Ende de/ voirs(creven) symoen om vanden achterstelle vanden iii zacken van vier/ jairen voe(r) de doot vander moeder verschenen dach van thoenen hadde/ genomen welcken dach op heden diende tot welken daghe de selve symoen/ gheen thoenisse geleidt en heeft noch diligencie gethoent noch bijgeleeght/ dat hij zijn thoenisse of getuyghen van desen daghe hadde doen v(er)sueken/ So hebben de scepen(en) van loeven gewijst dat den voirs(creven) brueder woute(re)n/ als p(ro)cur(eur) joff(rouwe) goedelen voirscr(even) en(de) geleidt als voirs(creven) es volgen sele(n)/ de goede des voirs(creven) symoens tot behoef vander betalingen ende/ voldoene der gebreke voirscr(even) cor(am) abs(oloens) miles blanckairt m(er)cels/ hoeven lynden m(ar)cii xix