It(em) jan borreman vissche(r) die nu ghetruwt heeft nae staet der heylig(er) kercken/ katline(n) docht(er) jans pauwels juweliers in deen zijde ende de selve jan/ pauwels in dande(re) in p(rese)nc(ia) hebben ghekent te weten(e) de voirs(creven) jan pauwels t(er) eenre zijde(n)/ dat hij den voirs(creven) janne borremans met katline(n) voirs(creven) in huwelijker vurw(er)den/ toegheseet ende ghelooft heeft viventsestich rinssche gulden(en) te xx stuv(er)s/ den gul(den) gherekent Met sulker vurw(er)den oft de voirs(creven) jan borreman voir der/ voirs(creven) katlijne(n) aflivich wordde zonder wettighe ghebuerte van huer te hebben(e)/ ende acht(er) te laten(e) dat dan de voirs(creven) katlijne op de goede des voirs(creven) jans/ borremans boven ende zonder hair lantrecht ende zonder p(re)judijs van hue(re)n/ lantrechte trecken sal ende heffen de voirs(creven) su(m)me van lxv rinssche gulden(en)/ ten prijse voirs(creven) Ter ande(r) zijden heeft ghekent de voirs(creven) jan borreman/ de voirs(creven) huwelijke vurw(er)den ghelijck voirs(creven) steet gheschiet te zijne en(de)/ dat dair op den huwelick tusschen hem ende der voirs(creven) katlijne(n) toeghegaen is/ende gheconsu(m)meert en(de) ghesolempnizeert nae staet der heylig(er) kercken Bekennen(de)/ voort dat hij vanden voirs(creven) janne pauwels in ghereden ghetelden pe(n)ni(n)gen/ ghelde ghehaven ende ghebuert heeft vijftich rinssche gul(denen) ten prijse voirs(creven)/ ende dat de selve jan pauwels [borreman] den selve(n) janne borreman [pauwels] ghequiteert en(de)/ gheabsolveert heeft van xv rinssche gul(denen) ten ghelijken prijse inde welke/ xv rinssche gulden(en) de selve jan borreman tot janne pauwels voirs(creven) gehoude(n)/ was uut ocsuyne vanden coope van eene(n) p(er)de ende dat hij dair mede vande(n)/ voirs(creven) lxv rinssche gul(denen) ten prijse voirs(creven) volcomelijken vernueght ende
//
betaelt es Bekennen(de) voort voir hem sijne(n) erve(n) ende naecomelinge(n)/ in ghevalle oft hij voir der voirs(creven) katline(n) sijne(n) wijve zonder wettighe/ ghebuerte van hen beyden acht(er) te laten(e) aflivich wordde dat hij en(de)/ sijn erfghename(n) sijn goide aenv(er)dende schuldich sullen sijn de voirs(creven)/ lxv rinssche gulden(en) der voirs(creven) katlijne(n) te betalen(e) ende uut te reyken(e)/ in alder manie(re)n ghelijck dat voirs(creven) steet [ass(ecutu)[m]] cor(am) eisd(em)