Allen den ghenen (et)c(etera) burg(er)meest(er)s (et)c(etera) saluyt doen te weten(e) dat/ opden dach van heden voir ons come(n) es in p(ro)pren p(er)soene lodewijck uut(er) helicht/ onse ingeseten poirte(r) ende heeft in alle der best(er) forme(n) ende manie(re)n soe/ dat nae recht best mach diene(n) ende behore(n) geconstitueert gesedt en(de)/ volcome(n) macht p(ro)curacie ende auctoriteyt ghegeve(n) woute(re)n van coelhem/ ende henricke vander lanen ende elken van hen besundert te wesen sijn p(ro)cur(eur)s/ in allen sijne(n) saken gheschillen ende bederve(n) die hij nu te doene heeft oft naemaels/ hebben sal te vertijke te nedervelpe ende dair omtrent in aenlegg(er)s oft/ verweerd(er)s stad hoedanich die sijn Gheven(de) ende verlenen(de) de voirs(creven) lodewijck den/ voirs(creven) sine(n) p(ro)cur(eur)s ende elken besunder thoenre des(er) volcomen macht ende auctoriteyt/ alle de selve saken met rechte te verwa(r)en te bescudden te vervolghen ende te/ bedinghen ten plaetssen ende gherichten voirs(creven) Ende desgelijcx om alle des/ voirs(creven) lodewijcx goede chijse renten pachten ende ande(re) schulden [dieme(n) he(m) nu schuld(ich)] es oft naemaels/ wesen sal [ter selver plaetssen voirs(creven)] te manen teysschen op te bueren ende tontfanghen den schulde(re)n/ van hue(re)n ontfanghe quijt te schilden(e) ende quijtan(cie) te gheven(e) dair voe(r) te panden(e)/ te dagen(e) ende rastamente te doen leggen(e) [ende alle rastamente ende dagemente op sijn goede ghedaen oft voort ghekeert te scutten(e) ende voorts rechts van dien te plegen(e)] composicie ende mynlijke yffeni(n)ghe dair/ af te maken(e) ende oick de selve chijse renten pachten ende schulden met rechte
//
te vervolgen(e) ende te bedinghen(e) die te wynnen(e) en(de) te verliesen(e)/ ende alle manie(re)n en(de) artijclen van rechte die nae recht oft costume/ vand(en) plaetssen dair dat ghebuert behoiren moghen ende den/ voirs(creven) p(ro)cur(eur)s orberlick duncken sal Ende voortaen g(e)n(er)alick en(de)/ sp(eci)alick allet ghene dair inne te doene en(de) te vorde(re)n dat/ de voirs(creven) lodewijck selve soude moghen doen waert dat hij/ ald(air) p(rese)nt ende voir oeghen wa(r)e P(ro)mitten(s) rat(um) due(re)nde (et)c(etera) cor(am)/ petro vander most viceburg(imagistr)[o] blanck(aer)t hoeve(n) scab(inis) maii xx