Nae dien dat daneel aroens de v(er)cochte ca(m)me geheeten holla(n)t eene(n) geheete(n) b(er)thelmeeuse va(n) maelcote/ onthoeght hadde en(de) d(air) na den selve(n) b(er)thelmeeuse dien coop ov(er)gegeve(n) hadde om die guedi(n)ge d(air)af tontfa(n)gen(en)/ en(de) als na [dat] die voers(creven) daneel meynde oft die selve b(er)thelmeeus die guedi(n)ge ontf(an)ge dat de selve daneel sijn/ hueri(n)ge die hij aen die voirs(creven) ca(m)me d(air) toe voe(re)n aen hadde volgen [soude] ende t(er) (con)trarie(n) va(n) dese(n) henrick die/ hollande(r) v(er)coope(n) van des(en) ca(m)me(n) meynde dat hij nyema(n)de guedi(n)ge sculd(ich) en wae(re) te doene dan daneele/ aroens Daer op die met hoege(n) bleve(n) wae(re) en(de) alsoe soude sijn hueri(n)ge op hem v(er)smelte(n) soe es/ get(er)mineert dat henrick die holla(n)de(r) even verre daneel die guedinge liet gescieden aen b(er)thelmeeuse/ van maelcote dat die guedi(n)ge int v(er)smelte(n) vand(en) hueri(n)ge(n) diene(n) en(de) geacht sal wordde(n) in alsulke(n)/ vorme(n) en(de) manie(re)n va(n) rechte oft daneel die selve ontfa(n)gen hadde aengesien dat b(er)thelmeeus die guedi(n)ge/ ontfa(n)gen soude bij ov(er)geven(en) van daneele voirs(creven) Act(um) cor(am) roel(o)fs tybe burg(imagistro) sept(embris) x