Item gord de coninc briede(r) in p(rese)ncia heeft gehuerdt en(de) bekint/ gehuert te hebben teghen gielise pynnocx gelaesmake(r) naturl(ic)/ eenen hoppecruyt hoff met zijnder toebehoirten houden(de) vier/ en(de)twintich roeden [paulo] alsoe dien gelegen is luttel myn oft meer/ houden(de) inde papestrate tusschen de goede joes de pape/ et henricke witteman Te houden en(de) te hebben van/ half merte dat was int jair xiiii[c] lxxi na costume van/ scriven des hofs van cameric also lange als de selve/ gielis en(de) jouffr(ouwe) marie wittemans zijn wijf leven sulle(n)/ en(de) de lanxste [levende] van hen beyden leven sal en(de) niet langer/ Elx jars dae(re)nbynne(n) om en(de) voir negenen(de)dertich/ stuvers d(er) mu(n)ten ons gened(ichs) he(re)n tsh(er)togen van burg(oin)[ne(n)]/ en(de) va(n) brabant goet en(de) ghinge te half merte te betalen/ den voirs(creven) gehuyssche alle jare telcken termijne als v(er)reicte/ schout met vorweerden dat de vors(creven) gord den vors(creven)/ hof wel en(de) loflijc wynnen werven en(de) mesten sal ten/ behoirliken tijde en(de) dat de selve gort nade doot d(er) vors(creven)/ gehuyssche(n) en(de) des lanxsten van hen beiden leven(de) te hemw(ert)/ trecken sal [de hopstaken] sond(er) yet dair voir te gheven want hij der/ tsijnen aencomen betaelde Vort is vorweerde dat de/ voirs(creven) gort sond(er) afslach d(er) vors(creven) xxxix stuvers jairlix soe/ lange de vors(creven) gehuyssche beide leven sullen oft de langst/ van hen leven sal betalen sal de chijse hier na v(er)claert/ te weten(e) aen janne van oppendorp sesse stuvers eene(n)/ pe(n)ninc jairs met condicien oft zoe geborde datme(n)/ voir e(n)nich verlet de(r) vors(creven) chijse opde vors(creven) goede met/ rechte procedeerde dat de vors(creven) gielis d(air) af den vors(creven)/ gorde met cost en(de) co(m)mer oft d(air) enige(n) op gedaen wordde/ costeloes ontheffen sal En dese vors(creven) vorweerd(en) blanck(aer)t/ m(er)cels oct(obris) xx