Allen den ghenen (et)c(etera) ende zundelinghe den eerbe(re)n voersienighe(n) ende/ wijsen burg(er)meeste(re)n scepen(en) ende raide der stad van antw(er)pen onsen/ lieven gheminden vrienden burg(ermeester)[en] scepen(en) en(de) raid der stad van loven(e)/ saluyt met ke(n)nissen der waerh(eit) doen te weten dat opden dach van heden/ voer ons comen is vrancke pynnock onse ingheseten poirte(r) ende heeft/ in alle der bester vormen ende manie(re)n soe dat nae recht best mach/ dienen en(de) behoe(re)n volcomelic ghemechticht gesedt geordineert en(de) gheco(n)stitueert/ tot sijnen wederroepe janne otten na(tur)lic brued(er) arnts wijlen otten sijne(n) p(ro)cur(eur)/ inder zaken die hij uutstaen(de) heeft oft hebben sal teghen henricke van/ rieme(n) geheete(n) van mechelen wonen(de) tantwerpe(n) van alsulken rechte/ actie int(er)est van onthaven en(de) ontlast te wordden(e) van alsulke(n) ii mudde(n)/ rocx tsjaers lijfrenten als de voirs(creven) vrancke pynnock roelof wijlen/ van redinghen ende lodewijck wijlen mathijs diemen heet van schore/ voer tijden ghesamend(er) hant ende elc van hen een voer al met scepen(en)/ brieve(n) van loeven(e) vercocht hebben vrancken de custe(re) vetwarier te loven(e)/ tot sijnen live die de voirs(creven) henrick van riemen nae der hant voer/ scepen(en) van antwerpen tot sijne(n) laste jaerlix voer hem sijne(n) erven ende/ nacomelinghen gheloeft heeft gheheelic te geldene te betalen en(de) te/ leve(re)n ende den voirs(creven) iii v(er)coep(er)s ende alle hue(re) goede en(de) nacomelinge(n)/ daer af los vry quijt ende onghemoeyt te houden tallen daghen/ ghelijc zeke(re) scepen(en) brieve der voirs(creven) stad van antw(er)pen d(air) op gemaect/ int jair onss hee(re)n m cccc en(de) lxiii in septembri xxvii daghe/ inhoude(n) ende begrijpe(n) ende sonder der selv(er) iii v(er)coepers en(de) huer(er) goede(n)/ en(de) nacomelingen cost last oft scade daer voe(r) dat [de] selve henrick v(er)bonde(n)/ en(de) te pande ghesedt heeft zeke(re) sijn huysinge met hue(re)n toebehoirte(n)/ geheeten den witten pau oft jherusalem gelegen tantwerpe(n) inde/ coepoirtstrate ende de selve zake ofts noot wae(re) oft hem behoefde/ met rechte voer de wet van antwerpen in aenlegg(er)s oft verweerd(er)s/ stadt te vervolgen ende te bedingen ende alle pointen ende articlen/ van rechte die daer toe nae recht oft costume der selv(er) stad van/ antw(er)pen dienen te houden ende te verwae(re)n ende totten ynde uut/ vanden rechte te vervolgen met vo(n)nisse(n) Te wynne(n) ende te v(er)liesen/ uutsedt composicie ende mynlijke yffeni(n)ghe daer af te maken/
//
Ende alle tghene dair inne te doene ende te vorde(re)n inde(r)/ rechte ende and(er)ssins gelijc de voirs(creven) onse poirte(r) selve doen/ soude oft mochte waert dat hij voe(r) oeghen wae(re) Ende heeft/ geloeft de voirs(creven) onse poirte(r) goet vast ghestentich en(de) onv(er)brekelic/ te houden tot ewigen daghen alle tghene des bijden voirs(creven) p(ro)cur(eur)/ h(ier) inne gedaen en(de) ghevord(er)t sal worden sond(er) daer teghen te/ comen(e) te doene oft te doen doene in enig(er) manie(re)n bij hem selve(n)/ oft yeman(de) and(er)s cor(am) tybe burg(imagistr)[o] blanck(ar)t hoeve(n) scab(inis) julii xiiii