It(em) achtervolgende den vo(n)nisse der scepen(en) van loeven tusschen gielise/ hanckairt ter eenre zijden en(de) arnde moens ter ande(re) gewijst en(de)/ geregistreert staende decembr(is) xi lestleden So es op heden/ comen voe(r) meye(r) en(de) scepen(en) van loeven mattheeus colcx ende/ heeft aldair met zijnen solempnen eede te voren d(air) om gedaen/ geverificeert dat hij die scepen(en) brieve spreken(de) van ii ryd(er)s/ lijftochten die de voirs(creven) gielijs hanckairt ten selven rechte/ overheeft in principael heeft moeten vernueghen aen janne/ van velpe en(de) voirt dat hij die pachten vander selver lijftocht/ ix jair langh heeft betaelt dragende elcx jairs ii ryd(er)s/ alsoe dat na zeke(re) calai(n)gien die arnd moens daer teghen/ gedaen hadde en(de) vanden welken die voirscr(even) mattheeus p(rese)nteerde/ tegen de voirs(creven) arnde moens te rechte te comene So es bijden/ scepen(en) van loeven gewijst met vo(n)nisse dat de voirs(creven) arnd moens/ gehouden sal zijn den voirs(creven) gielijsen [hanckairt] te voldoene va(n)de(r) zine(n)/ voirs(creven) geverificeerden gebreken op die p(rese)ntacie die mattheeus/ gedaen heeft Cor(am) om(n)ibus scabinis dempto abs(oloens) milite dec(embris)/ xiiii