SAL8142, Act: V°22.1 (33 of 808)
Search Act
previous | next
Act V°22.1  
Act
Date: 1473-07-20

Transcription

2019-09-03 by Véronique Bavin
It(em) es vurw(er)de tusschen den voirs(creven) willem(me) coerekens ende goorde van ermbeghe(m)/
sijne(n) swag(er) in deen zijde ende katline(n) van ee(re)mboirdeghem huysvrouwe d(e)s/
voirs(creven) claes moens ende ja(n)ne vander wolfshaghen ende katheline(n) van/
bettenrode sijne(n) wijve in dande(r) zijde dat de selve katline va(n) eermbeghe(m)/
jan vander wolfshaghen en(de) katline sijn wijf tvoirs(creven) seste ghedeelte vand(en)/
voirs(creven) ov(er)ghegoeydde(n) boender beempts inde(n) voirg(eruerde) guedinghen beg(re)pen sulle(n)/
moghen lossen ende quijten van sinte jansmisse bapt(isten) lestleden bynne(n) den/
t(er)mijne van viii jaire(n) met xviii croene(n) tstuck voir xxiiii st(uvers) gerekent/
den voirs(creven) willem(me) ende goorde dair voe(r) te betalen(e) behoud(ens) dat den/
voirs(creven) willem(me) ende goorde de vruchten vanden goeden vanden jaire dair/
inne dat die quitinghe gheschiedde volghen sullen niet wederstaende/
der quitinghen vanden gronde Ende oft die quitinghe vanden gronde/
alsoe ghebuerde dat dan de voirs(creven) willem en(de) goort goordt ghehouden/
sijn sullen de voirs(creven) guedinghe te nyeute te doene dwelck sij aldus den/
voirs(creven) janne vander wolfshaghen katline(n) sine(n) wijve ende katline(n) huysvr(ouwe)/
claese moens toegeseeght ende ghelooft hebben te doene cor(am) eisd(em)
ContributorsWalter De Smet
Moderated byWalter De Smet
Last update: 2019-05-08 by kristiaan magnus