SAL8142, Act: V°237.3 (407 of 808)
Search Act
previous | next
Act V°237.3  
Act
Date: 1474-01-20

Transcription

2020-10-03 by myriam bols
It(em) also als ten vervolghe (christ)inen van padorp natuerlic en(de) roelofs/
vander elst geleidt zijnde voe(r) iii ryders lijftochten staende ten/
live der voirs(creven) (christ)inen ende jans heurs brueders tot den goeden/
henricks boelards soen wilen henricks gescr(even) es den meye(r) vander/
gheeten of zijnen stedehoude(r) hen de voirs(creven) goede en(de) zund(er)linge/
huys en(de) hof met zijnre toebehoirten gelegen te hespen gelijc/
de selve henrick dat aldair houden(de) es te leve(re)n Ende oft de/
voirs(creven) henrick of yeman anders dair tegen yet seggen oft alleg(ere)n/
wilde dat hij des tot eenen zek(ere)n daghe va(n) rechte mids v(er)strikene/
van genechten op heden dienen(de) alhier quame in trecht gelijck/
de brieve dat voirder inhielden Ende de voirs(creven) henr(ick) alhier niet/
comen en es en(de) wille(m)me van leele alse p(ro)cureur der voirs(creven) geleidde(n)/
alh(ier) comende ende trecht versueckende so hebben de scepen(en) van/
loeven yerst aengehoirt tyboute steenweeghs bode der stad van/
loeven die also hij hielt bij zijnen eede de lev(er)inghe ontfaen/
hadde ter manisse tsmeyers gewijst voer een vo(n)nisse so v(er)re/
der voirs(creven) geleidder wederp(ar)tie niet en quame ten opstaene tsmeyers/
en(de) van hen datmen hen dan houden soude vanden voirs(creven) goeden/
in heuren beleide tot heuren wettigen gebreke behoef zo v(er)re/
het noch voer hen comen es cor(am) blanckairt iu(doco) abs(oloens) hoeven/
lynden januarii xx
ContributorsMi-Je Van Gils
Moderated byMi-Je Van Gils
Last update: 2019-05-08 by kristiaan magnus