Item de vors(creven) jan boeck van deventer sone wilen jans/ tot desen renu(n)cie(re)nde alle vriheiden en(de) p(ri)vilegien van onsen/ heylighen vad(er) den paus van romen vanden keyser/ coninghen hertogen greven ande(re)n gheesteliken ende/ weerliken he(re)n en(de) oic steden verleent oft [die] namaels/ verleent souden mogen worden in e(n)niger manie(re)n/ in yegenwordicheiden der scepen(en) van loven(e) gestaen/ heeft opembairlic gekint en(de) gelijdt met zijnen/ eygen(en) wille en(de) alsoe hij seide wael beraden zijnde/ dat hij van alsulken twee hondert cronen der mu(n)ten/ sconinx van vrancrijcke te xxiiii stuvers tstuc gerekent/ die jan wilen vanden hove sone wilen jans meye(r)/ van halen als hij leefde den voirs(creven) janne boeck bekint/ hadde sculdich te zijne en(de) gelooften d(air)af gedaen/ voir notaris en(de) getuygen dair notaris af was/ gabriel hans clerc uuten busdo(m)me van camerick/ Gelic die instrumente(n) d(air) af zijnde vand(er) daet xiiii[c]/ lvi aprilis xxii uutwijsen oft met ande(re)n obligacien/ het zij onder hantteeken segelen oft met ande(re)n manie(re)n/ van obligacien nu ter tijt na de doot des vorscr(even)/ wilen jans met jouffruwe katlijnen horekens/ weduwe des vors(creven) wilen jans vanden hove finale/ rekeninghe gehadt en(de) geselebreert heeft Alsoe dat/ gerekent de principael scult en(de) ontfanc dair op/ gedaen en(de) alle costen en(de) co(m)mer bijden voirs(creven) janne/ boeck om betalinghe te hebben van dien [oic] ghedaen/ de selve jouffr(uwe) katlijne horekens hem alleene sculdich/ blijft beide vanden vors(creven) twee hondert cronen en(de)/ van allen costen en(de) co(m)mer d(air) om bij hem oft inden name
//
van hem int vervolgen d(er) vors(creven) saken gedaen in e(n)nigher/ manie(re)n de so(m)me van hondert ryns gulden(en)/ te xx st(uvers) tstuc van welcken hondert ryns guld(enen) de/ vors(creven) jan boeck bekint heeft vesticheit vander/ vors(creven) jouffr(uwe) ka(tlij)[ne(n)] met onderpandinghen van erfgoede(n)/ bynnen loven(e) gelegen ontfanghen te hebben Scelden(de)/ dair om de vors(creven) jan boeck der voirs(creven) jouffr(uwe) ka(tlij)[ne(n)]/ hue(re)n erfgenamen en(de) nacomelingen van allen/ obligacien die de voirs(creven) wilen jan vanden hove den/ selven janne boeck van des voirs(creven) steet gedaen mach/ hebben volcomentlic quijt Bekynnen(de) hem vanden/ voirs(creven) twee hondert cronen en(de) allen ande(re)n sculden dair/ inne de voirs(creven) wilen jan vanden hove te hemwert/ verbonden oft verobligeert mach zijn en(de) cost ende/ co(m)mer dair op geloepen volcomentlic v(er)nueght/ totter so(m)men toe vanden vors(creven) hondert ryns guld(enen)/ hem houden(de) van dien selven hondert ryns guld(enen) op/ alsulken vestich(eit) en(de) verbonden veronderpandinghen vors(creven)/ als de voirs(creven) jouffr(uwe) d(air) af op heden gedaen heeft voir scepen(en)/ van loven(e) Casserende en(de) te nyeute doende de/ voirs(creven) jan boeck alle instrumenten besegelingen en(de)/ alle ande(re) obligacien die de vors(creven) jan boeck voir desen/ dach d(air) af heeft en(de) bijden vors(creven) wilen janne vanden/ hove gedaen moghen zijn Gheloven(de) de voirs(creven) jan/ boec der voirs(creven) jouffr(uwe) katlijne hue(r) goede noch hue(r)/ erfgenamen niet vorder aentespreken noch teysschen/ dan va(n)de(n) voirs(creven) hondert r(yns) guld(enen) om die te heffen ende/ te boe(re)n ten dage voirs(creven) Affirme(re)nde de vors(creven) jan boeck/ bij sijnder truwen een(er) manwairheit in stat van eede/ dat hij trecht actie en(de) interest vand(er) obligacie(n)/ d(er) vors(creven) ii[c] cronen die hij heeft gehadt vand(en) vors(creven)/ wilen janne vand(en) hove niemande anders getrans/ porteert nocht overgegeven en heeft in gheend(er)/ manie(re)n geloven(de) dair voir inne te stane [en(de) warant te sijne] aen eenen/ yegeliken En(de) oft hij e(n)nighe(n) procur(eur) oft p(ro)cur(eur)s
//
gestelt heeft om de vors(creven) ii[c] cronen te vervolghen die/ vors(creven) jan van boec wilt dat de macht van dier procuracie(n)/ van nu vortaen te nyeute zij en(de) gerevoseert met/ allen acten en(de) vonnissen dair af gegaen oft gegeve(n)/ cor(am) eisdem