It(em) nae dien dat pierart de lanoys zeke(r) ghelt beslaghen hadde/ staen(de) in handen vanden diene(r) van eetskercke toebehoren(de) janne/ mahau poirte(r) van loven(e) alsoe de selve jan mahau seyde ende de/ selve jan den voirs(creven) pierarde dair af besc(re)ven hadde voir meye(r)/ en(de) scepen(en) van loven(e) van dien rechts te pleghen(e) ende sij dair in/ beyden syden comp(ar)erende ende de voirs(creven) pierart sij aensprake gedaen/ hadde ende de voirs(creven) jan mahau sijn verantw(or)den die welke nochtan/ der wederp(ar)tijen niet ghenoech en dochte mits reden(en) die sij dair/ allegeerde soe Was ghewijst gheliefde janne mahau naerd(er)/ te antw(or)den dat hij dat doen mochte dair toe om dat te doene/ den dach diende op heden Soe heeft hem de voirs(creven) jan mahau/ ghep(rese)nteert te rechte teghen de voirs(creven) wederp(ar)tije op dat sij voir/ oeghen quame om voirder tantw(or)den soe dat nae rechte behoert/ acht(er)volgen(de) den vo(n)nissen der scepen(en) van loven(e) voirs(creven) ende oft sij niet/ en quaeme soe accuseerde hij hare co(n)tumacie Seggen(de) voort dat/ hem sijn gherasteerde pe(n)ninghe schuldich wae(re)n ongherasteert te/ wordden(e) ende hem te volgen(e) tot welken daghe de selve sij wed(er)p(ar)tije/ noch bij hair selve(n) noch bij yemande and(er)s ghecomp(ar)eert en es/ p(rese)ntibus scabinis in scampno augusti v[ta] vid(elicet) die iovis