It(em) navolgende der voirs(creven) submissien hebben de voirs(creven) zeggers heure/ eendrechtighe uutsprake gedaen inder manie(re)n hier na volgende Te/ weten ierst dat de voirs(creven) augustijn ongehouden zal zijn van/ allen den haefliken optichten oft eysschinghen die de voirs(creven) joff(rouwe) marie/ hem eyschende mach zijn in e(n)nigher manie(re)n tot desen daghe toe behalve(n)/ dat de voirs(creven) augustijn in die stad sculdich zal zijn te betalen der vors(creven)/ joff(rouwe) marien xlviii mudden rogs der maten van loeven te weten/ xii mudden dairaf van uutgangh [den maend] merte nu naistcomen(de) over een/ jair xii mudde dairaf bynnen eenen jaire dair nae xii mudden/ d(air)af bynnen eenen jaire dair na en(de) dande(r) xii mudde bynnen/ eenen jaire dairna vervolgende mair des zelen versmelten/ de voirs(creven) iiii jairen langh elcks jairs alsulken xii ryders gulden/ ryders als de selve joff(rouwe) den voirs(creven) augustijne jairlicx sculdich es/ heuren leefdach langh uut saken van huweliker vorwerden ende niet/ langher op dat de voirs(creven) joff(rouwe) de voirs(creven) vier jair overleefde ende/ sal de voirs(creven) augustijn na de doot vander voirs(creven) joffr(ouwe) bliven staende/ and(er)ssins op zijn huwelike vorwerde Voirt es heur uutsprake dat/ de voirs(creven) augustijn bynnen twee jairen naistcomen(de) lossen en(de) afquite(n)/ sal alsulken zess ryders lijftochten als jan nijs [als] voir zijn duwarie/ met katlinen wilen gheerlecx zijnen iersten wive dochter der voirs(creven)/ joff(rouwe) marien besett oft bewesen waren opt huys geheten den beeir/ toebehoiren(de) der voirs(creven) joff(rouwe) marien met den pachte vanden selven twee/ jairen gemerct dat de voirs(creven) augustijn lx ryders te xxv stuv(er)s/ tstuck in die stad gehaven heeft cor(am) mercels lynden m(ar)cii xix