It(em) jan vander hulst vorste(r) in p(rese)nc(ia) burg(er)meest(er)s ende ande(re)n/ vanden raide heeft ghelooft janne gruwel ende roelove van/ erpe [oudecled(er)cop(er)s] meeste(re)n vander bussen der armer vanden selve(n) ambachte te/ betalen(e) xii(½) rinssche gul(den) te xx stuv(er)s tstuck alse van waren/ die de selve jan ghecocht heeft teghen de bussemeeste(re)n voirs(creven) toebeh(oirende)/ der selver bussen ende oick ghelooft heeft te betalen(e) de schade die/ de busse dair af ghehadt heeft om dat sij inde leste m(er)ct tghelt/ niet en hadde om aen ande(re) wa(r)e te legghen(e) en(de) oic die die theercoste(n)/ die de voirs(creven) bussemeeste(re)n bij faute van betalinghe(n) des voirs(creven) is/ tantw(er)pen inde leste m(er)ct ghedaen hebben ende dat te goetdu(n)cken(e)/ en(de) t(er) taxacie(n) vander stad Act(um) junii xxii