Allen den ghenen (et)c(etera) burg(er)meest(er)s (et)c(etera) saluyt met kennissen/ der wairheyt doen te weten(e) dat opden dach van heden voir/ ons come(n) es in p(ro)pren p(er)soene jan van chynnoet onse ingesete(n)/ poirte(r) ende heeft gheconstitueert ghesedt en(de) volcome(n) macht gegeve(n)/ matheeuse colcx wonen(de) ind(er) stad van loven(e) henricke die custe(re)/ pete(re)n andries beyde wonen(de) totten borch boudewijne coulon van/ duwecheal janne catthon en(de) ernart zone henry gheheeten le/ grant henry beyde wonen(de) te pieterbays ende elken besundert o(m)me/ alle sijn goide chijse rinten erfpachten lijfrenten jairgulden en(de) schulde(n)/ te loven(e) te sart ov(er) dijle inde p(ro)chie van grave(n) en(de) d(air) omtrent en(de)/ elswair bynnen den lande van brabant ghelegen en(de) men hem schuld(ich)/ es oft namaels wesen sal te rege(re)n te mane(n) teysschen op te bue(re)n/ en(de) tontfanghen aen wat p(er)soene(n) oft goiden oft te wat steden oft plaetssen dat dat sijn mach Dair voe(r) te panden(e) te dagen(e) te/ beleyden(e) en(de) rastamente te doen leggen(e) nae gewoente en(de) costume/ vand(en) plaetssen d(air) dat behoe(re)n sal oft behoeve(n) soude moge(n) ende op/ dats noot ghebuerde voir alle rechte(re)n geestelick en(de) weerlick met/ rechte te vervolgen(e) te verantw(er)den(e) te bescudden(e) in ae(n)legg(er)s oft v(er)w(er)d(er)s/ stat te bedingen(e) die te wynnen(e) en(de) te verliesen(e) thonisse ende/ wairheyd te leyden(e) en(de) vand(en) wederp(ar)tijen te sien leyden teghen hue(re)n/ p(er)soen en(de) getuygenissen te excipieren(e) en(de) te oppone(re)ne composicie en(de)/ mynlijke yffeni(n)ge d(air) af te maken(e) den schulde(re)n van des sij oft e(n)nich
//
van hen ontfanghen sal quijt te schilden en(de) quitan(cie) te geven(e) ende/ de omberuerlijke goide des voirs(creven) jans van cynnoet in jairscharen uut/ te gheven te v(er)pachten en(de) te v(er)hue(re)n en(de) voertaen g(e)ne(ra)lick en(de) sp(eci)alic/ allet ghene d(air) inne te doene (et)c(etera) P(ro)mitten(s) rat(um) due(re)nde (et)c(etera)/ Cor(am) tybe burg(imagistr)[o] absoloens absoloens scab(inis) octob(ris) pe(nulti)[ma]