Item is in manie(re)n van vorweerden ondersproken tusschen/ den vors(creven) denijse en(de) henricke wittebolle gebruede(re)n ter eend(er)/ en(de) der voirs(creven) aliten met daneele hue(re)n man ter ande(r)/ sijden dat de selve denijs en(de) henric also langhe de vors(creven)/ alijt en(de) hue(r) man leven sullen en(de) des lanxste leven(de) va(n) hen/ draghen en(de) betalen zullen en(de) op hen manen alle de chijse/ en(de) co(m)me(re)n [jairlix] uuten goeden vors(creven) d(er) vors(creven) aliten in hue(re)r deylinge(n)/ gevallen gaen(de) also in tijts dat de vors(creven) alijdt noch hue(r)/ goede vors(creven) dair af gheene schade en lijde(n) in e(n)niger manie(re)n/ Met condicien nochtan inden gevalle oft de vors(creven) alijdt/ de vors(creven) goede in al oft in deele verthierde vercochte/ oft met testamente ewech maecte also dat die den/ vors(creven) hue(re)n ii gebrued(er) oft hue(re)n erfgename(n) ontghinghen/ het wae(re) bynne(n) den leven(en) d(er) vors(creven) aliten oft na de doot va(n)/ hue(r) en(de) daneele hue(re)n ma(n) vors(creven) en(de) des lanxste leven(de) va(n) he(n)/ dat de vors(creven) dyonis en(de) henric en(de) hue(re) goede t(er) stont na/ dat alsulken v(er)tieringhe oft makinghe effect name/ en(de) [stat] grepe vanden co(m)me(r) en(de) chijse uutt alsulke(n) v(er)huerd(en)/ oft ewech gemaecten goeden ongehouden zijn souden/ en(de) blive(n) tot eeuwegen dagen mair zouden die goede/ hue(re)n co(m)mer en(de) chijs va(n) dan vortaen selve moete(n) drage(n)/ niet wederstaen(de) dat dien co(m)mer inden voirs(creven) deylinge(n)/ d(er) vors(creven) alijten en staet geruert en(de) oic niet tegenstaende/ d(er) vorweerden vorg(eruert) cor(am) eisd(em)