Alsoe als jan vander phalizen als momboir sijnre huysvrouwe(n)/ inden beghijnhove te loven(e) beslaghen hadde zeke(re) haeflijke goede en(de)/ pe(n)ninghen jacoppe vander haghen uut doode yden wijlen/ ballinx toebehoerende voir schout die de selve jacop den voirscr(even)/ janne als momboir sijnre huysvrouwen voirs(creven) schuldich was/ ende voir de selve schult op de selve goede svoirs(creven) jacops ghevolght/ heeft met drie behoirlijke ghenechten ende de conde van dien/ ghedaen aen lijnen mychiels ghelijck hij dat mette(n) diene(re)n/ ghetoent heeft p(rese)nterende sijn schout te groetssen(e) bij sijne(n) eede/ ende hij tot der v(er)ificacien ende groetsinghen van sijnre schult bij/ vo(n)nissen der scepen(en) van loven(e) ghewijst sijnde die met sijnre eedt/ ghev(er)ificeert ende ghegoest heeft gedragen(de) t(er) su(m)men van xxix/ gulden(en) croene(n) oft die weerde Soe hebben de scepen(en) van loven(e)/ ghewijst dat hem de voirs(creven) goide tot behoef vanden voldoene vand(er)/ voirs(creven) sijnre gheverificeerde schult volghen sullen cor(am) blanckart/ absoloens f(ilio) q(uon)d(am) iudoci m(er)sels hoeve(n) marcii viii