Allen den ghenen (et)c(etera) dat jouffr(ouwe) katlijne van ov(er)wynghe wed(uwe) henr(ix)/ wijlen vanden berghe wederroepende ende te nyeute doen(de) alle ande(re) p(ro)curacien/ en(de) mechtich(eiden) die sij voir den dat(um) van des(en) enichsins ghemaect mach hebbe(n)/ ende heeft voirt gheconstitueert gestelt en(de) gheordineert ende met des(en) he(re)n constitueert stelt ende ordineert huer p(ro)cur(eur)s ende voirgang(er)s henric(ke) steymans/ en(de) henricke vander horst barbier ende elken besundert in allen hue(re)n saken/ geschillen ende bederve(n) die sij nu uutstaen(de) heeft oft naemaels hebben sal moghe(n)/
//
in aenlegg(er)s oft verw(eer)ders stad hoedanich die sijn Gheven(de) ende/ v(er)leenen(de) de voirs(creven) constitueerdersse den voirs(creven) hue(re)n p(ro)cur(eur)s ende elken/ besund(er)t thoenre des(er) volcome(n) macht p(ro)curacie ende auctoriteyt en(de) zund(er)linge/ beveel alle de selve saken met rechte te verwa(r)en te bescudden te v(er)volge(n)/ en(de) te bedinghen tallen plaetssen voir alle gherichten ende teghen eene(n)yegelijke(n)/ dair des behoeve(n) ende te doen sal wesen Ende desgelijx om alle/ der voirs(creven) constitueerderssen chijsen rinten pachte(n) [lijft(ochten)] v(er)valle(n) en(de) ande(re) schulde(n)/ Te mane(n) teysschen op te bue(re)n ende tontfanghe(n) den schulde(re)n van/ hue(re)n ontfanghe quijt te schilden? ende quitan(cie) te gheve(n) Dair voe(r) te/ panden(e) te daghen(e) ende rastame(n)te te doen leggen(e) Scepen(en) brieve(n)/ te vo(n)nissen ende die texeque(re)n Composicie ende mynlijke yffeninghe dair/ af te maken De selve chijse renten pachten ende m lijft(ochten) v(er)vallen en(de)/ sculden met rechte te v(er)volgen ende te bedinghen die te wynne(n) ende/ te v(er)liesen Ghetuyghe(n) ofts behoeft te leyden der wed(er)p(ar)tijen ghetuyge(n)/ te sien swe(re)n die te batte(re)n te replice(re)n te duplice(re)n alsoe wael int/ p(ri)ncipael als int accessoir Ende alle pointe(n) inde ar(tic)le(n) van rechte dair/ toe te te vorde(re)n die nae recht oft costume vanden plaetssen d(aer) dat behoirt/ ghebuert beho(r)en mogen ende den voirs(creven) p(ro)cur(eur)s orberlick duncken moge(n)/ selen Et g(e)n(er)a(li)[t(er)] P(ro)mitt(ens) rat(um) cu(m) (com)putac(i)o(n)e et revocac(i)o(n)e junii xxvi