Una sc(ri)pta e(st) p(ro) petro vand(en) dale/ Cond zij allen lieden dat een deilinghe en(de) sceidinghe gesciet en(de) gemaect/ sijnde tusschen peete(re)n vanden dale becke(r) in deen zijde en(de) meest(er) pete(re)n van/ wijck geheete(n) nuelens barbier in dande(r) zijde vanden goeden hier onder/ bescreve(n) d(aer) inne sij te same(n) voir scepen(en) va(n) loven gegoedt en(de) geerft sijn/ Te wetene vander herberghe(n) geheete(n) den gulden cop mette(n) huysen/ hoven stallen en(de) alle(n) and(ere)n iegewelke(n) hue(re)n toebehoerte(n) achter en(de) vore/ gelijc de selve goede gelege(n) sijn inde hoelstrate tussche(n) de selve strate/ aen deen zijde de strate geheete(n) douwe mu(n)tstrate acht(er) aen dand(er) zijde/ de goede der gebruede(re)n va(n) houthem die meest(er) arnt sack tot sijnd(er) tocht/ houden(de) is en(de) meest(er) wille(m) va(r)enacker opde derde zijde en(de) de strate comen(de)/ uut(er) hoelstrate(n) neve(n) de(n) putte ald(aer) geheete(n) den calsterputte opde vierde/ zijde te deilene Soe sijn bleve(n) en(de) gevalle(n) den voirs(creven) pete(re)n vande(n)/ dale in sijnre deilinghen vanden vors(creven) goede(n) de goede h(ier) nae bescr(even)/ Te weten drie huyse(n) neve(n) een gelege(n) met hue(re)n mueren en(de) met/ eene(n) hove d(aer) toe beho(r)ende [metten keldere onder deen vanden selve(n) drie husen staende te weten onder tgroethuys] en(de) and(ere)n hue(re)n toebehoerte(n) met gaders allen/hue(re)n wat(er)valle(n) en(de) wat(er)loepen uut en(de) vande(n) selve(n) goede(n) comen(de) also/ de selve goede die selve wat(er)loepen[vallen] en(de) wat(er)loepen ald(aer) tot h(ier) toe/ gehadt hebben en(de) opden dach va(n) hede(n) alnoch hebben(de) sijn gelijc de/ selve drie huysen mette(n) hove gelege(n) sijn inde vors(creven) hoelstrate tussce(n)/ de poerte en(de) scaelgie toebeho(r)ende den and(ere)n gedeelte des vors(creven) meest(er)/ peet(er)s aen deen zijde en(de) de strate gaen(de) uut(er) vors(creven) hoelstrate(n) neve(n) den/ vors(creven) putte aen dand(er) zijde It(em) twee cleine huysen bij een gelegen/ inde vors(creven) muntstrate acht(er) de vors(creven) goede tussce(n) den vors(creven) hoff t(er)/ eenre en(de) den muer toebehoren(de) tott(er) acht(er)ster poerte(n) vand(er) vorscr(even)/ herberghe(n) t(er) andre zijden Opde helicht vande(n) geheele(n) co(m)me(re) en(de) laste/ uute(n) vors(creven) geheele(n) goeden gaen(de) ten behoirlike(n) tijde(n) te betale(n) Be/ halve(n) eene(n) rinsch gul(den) erflic twintich stuv(er)s d(aer) voe(r) gereke(n)t die de/ vors(creven) meest(er) peet(er) vande(n) selve(n) geheele(n) chijse va(n) sine(n) goede(n) en(de) gedeelte/ h(ier) nae bescreve(n) voe(r) uut sculdich is te dragene It(em) sijn gebleve(n)/ en(de) gevalle(n) den vors(creven) meest(er) pete(re)n in sijnre deilinghen vanden vorg(eruerde)/ goeden de goede h(ier) nae bescr(even) Te wete(n) de vors(creven) poerte geheel/ metter eenre came(re)n bove(n) d(er) selv(er) poerte(n) staen(de) mett(er) geheelder/ge scaelgie(n) mette(n) boire(n)putte en(de) mette(n) and(ere)n huysen hoven/ en(de) stallen d(aer) toe beho(r)ende met hue(re)n wat(er)vallen en(de) loepen gelijc
//
sij die ald(aer) hebben(de) sijn geleg(en) inde vors(creven) hoelstrate tussche(n) de vorg(eruerde)/ goede svors(creven) peet(er)s vanden dale t(er) eenre zijde(n) en(de) de goede der/ vorg(enoemde) gebrued(ere)n va(n) houthe(m) die de vors(creven) meest(er) arnt sack tot sijnre/ tocht gelijc vors(creven) steet houden(de) es en(de) de goede meest(er) willems va(r)en/ acker t(er) andre zijden met gad(er)s d(er) acht(er)ster poerten en(de) mette(n) muere/ d(aer)toe beho(r)ende en(de) met eene(n) huyse uutcomen(de) inde vors(creven) mu(n)tst(ra)te/ tussche(n) de goede des vors(creven) meest(er) willems t(er) eenre en(de) de vors(creven) twee/ clein huyse svors(creven) peet(er)s vanden dale t(er) andre zijden Op dand(er)/ helicht vande(n) geheele(n) co(m)me(re) en(de) laste uute(n) vors(creven) geheele(n) co(m)me(re) goede(n)/[gaende] en(de) opden vors(creven) eene(n) rinsch gul(den) erflic die de selve meest(er) peet(er) voir/ uut uute(n) selve(n) geheele(n) co(m)me(re) sculdich is te draghene gelijc vors(creven)/ es [ten behoirliken tijden te betalen] En(de) is ind(er) vors(creven) deilinghe(n) tussche(n) beide de vors(creven) p(ar)tije(n) clarlic/ ond(er)sproke(n) en(de) bevorw(er)t dat de vors(creven) peet(er) vanden dale alle de/ doeren va(n) sine(n) vors(creven) huysen soe v(er)re die uutcome(n) opde vors(creven) scaelgie/ svors(creven) meest(er) peet(er)s uutgenome(n) de keld(er) doere sal doen toemaken en(de)/ toe v(er)maect houde(n) tot ewige(n) dagen En(de) de vors(creven) meest(er) peet(er) sal/de uutgenome(n) de keld(er) doere ald(aer) welke keld(er) doere de vorsc(reven)/ meest(er) peet(er) tot sijnre cost sal doen toemaken en(de) tewige(n) dagen toe/ gemaect bhoude(n) [houden] It(em) dat de vors(creven) meest(er) peet(er) opde selve sijn scaelgie/ tot gheenre plaetsen ald(aer) en sal moge(n) ty(m)me(re)n metsen nocht opvae(re)n d(aer)/ mede hij dliecht vanden huysen svors(creven) peet(er)s vande(n) dale ald(aer) geleg(en) oft/ van enige(n) vinst(ere)n ald(aer) nu staen(de) sal moge(n) beneme(n) oft v(er)doncke(re)n in/ enig(er) manie(re)n behoudelic dat de vors(creven) peet(er) ald(aer) egeen nuwe liecht/en sal moge(n) make(n) nocht ande(r) vinste(re)n da(n) de gheene die d(aer) nu sijn/ en sal moge(n) maken desgelijx oic en sal de vors(creven) peet(er) opde vors(creven)/ sijn goede t(er) vors(creven) scaelgie(n) wert svors(creven) meest(er) peet(er)s [meer] moge(n) ty(m)me(re)n/ oft opvae(re)n d(aer) mede hij dliecht vand(er) selv(er) scaelgie(n) oft vanden/ ande(re)n goeden desselffs meest(er) peet(er)s sal moge(n) v(er)doncke(re)n En(de) voir/ de betalinghe vande(n) vors(creven) chijse en(de) co(m)me(re) bij elke(n) vande(n) vors(creven)/ p(ar)tije(n) te dragene en(de) betaelt te worde(n) ind(er) manie(re)n vors(creven) soe/ hebben sij bij orlove she(re)n vande(n) gronde elc de(n) and(ere)n sijn gedeelte/ vors(creven) behoirlic v(er)oblig(er)t en(de) tond(er)pande gesedt En(de) dese deili(n)ge/ ald(us) behoirlic gesciet sijnde hebben geloeft de vors(creven) p(ar)tije(n) mal/ cande(re)n vast gestentich en(de) omv(er)brekelic te houde(n) en(de) te voldoene/ elc op des he(re)n vanden gronde and(er)s gedeelte behoirlic v(er)tiende/ en(de) alt(ijt) h(ier) af genoech te doene waert dat he(n) iet te te neuwe/ gesciet wa(r)e also dat elke(n) va(n) hen voir hem sine(n) erve(n) en(de)/ naec(omeling)[e(n)] vast en(de) sek(er) sijn moge tot ewige(n) d(agen) cor(am) opp(endorp) borch(oven) sept(embris) xx