It(em) claes vand(er) coenaert sone jans wijle(n) vand(er) coenaert wonen(de) tarschot/ in jeg(enwordicheit) des meyers van loven(e) h(ier) ov(er) staende va(n) heerheid(en) van weghen ons/ gened(ichs) he(re)n ts(her)toghe(n) en(de) d(er) scepen(en) van loven(e) h(ier) nae genoemt gestae(n) heeft/ uutgegeve(n) en(de) bekint dat hij uutgegeve(n) heeft voir hem sine(n) oiren erve(n)/ en(de) naecomelinghe(n) ja(n)ne pynnoc na(tur)lic sone wout(er)s wile(n) pynnocx sijnen/ erve(n) en(de) naecomelinge(n) de goede h(ier) ond(er) bescr(even) inde p(ro)chie va(n) wiltsele/ geleg(en) te binswijck Inden ierste(n) (½) boend(er) lants geleg(en) opt velt geheeten/ de velde tussche(n) de goede jans vanden hovelde op deen zijde en(de) de goede jans/ va(n) ermeghem op dand(er) zijde gelijcme(n) tselve (½) boend(er) va(n) lodewijke roelants/ houden(de) is It(em) i dach(mael) lants luttel min oft meer gelijc alst geleg(en) is/ opt velt gehete(n) de drie boend(er) tussce(n) de goede jans vande(n) hovelde op/ deen zijde en(de) de goede der erfg(enam)[en] lijsbetthe(n) vand(er) lanen op dand(er) zijde/ gelijcme(n) tselve dach(mael) lants va(n) onsen gened(igen) hee(re) den h(er)toge als wagengoet/ inden broecwage(n) geleg(en) houden(de) is It(em) i dach(mael) lants helcht wi(n)ni(n)ghe/ gelege(n) op de boudens hoeve tussce(n) de goede des vors(creven) lod(ewijcx) roelants op deen/ zijde en(de) de goede henrix truydens aen dand(er) zijde en(de) de goede henrix/ va(n) bruesselle opde derde zijde gelijcme(n) tselve dach(mael) lants helicht wi(n)ni(n)ge/ va(n) div(er)sen gronthe(re)n houden(de) is Erflic te houden en(de) te besitten op alle/ den co(m)mer en(de) last uute(n) vors(creven) goede(n) gaen(de) ten behoirlike(n) tijden te bet(alen) en(de)/ dae(re)n bove(n) op ond(er)halff mudde rogs goet en(de) paiabel met wa(n)ne ende/ vloegele(n) wel bereit d(er) mate(n) van loven(e) erfs pachts alle jae(re) s(in)[t] andries/ misse apostels te bet(alen) en(de) te loven(e) oft tarschot d(air) dat de vors(creven) clase/ best gelieve(n) sal te leve(re)n den selve(n) clase sine(n) erve(n) en(de) naec(omeling)[en] erflic/ in naecomen(de) tijden met sulk(er) vurw(er)d(en) en(de) (con)dicie(n) dat de vors(creven) ja(n) py(n)noc/ tvors(creven) ond(er)half mudde rox sal moge(n) losse(n) en(de) afq(ui)ten talle(n) tijde(n) en(de) stonde(n)/ als hem dat gelieve(n) sal teene(n) male met xxvii croene(n) d(er) mu(n)ten/ sconinx va(n) vrancr(ijck) va(n) goude goet en(de) ginge te wete(n) xxiiii silve(re)n/ pe(n)ni(n)ge(n) geheete(n) stuv(er)s voir elc croene en(de) iii pl(a)c(ken) brabants gelts voir/ elken stuve(r) gerekent en(de) met volle(n) pachte En(de) oft den vors(creven) ja(n)ne py(n)noc/ in tgene dat vors(creven) steet iet te neuwe gesciet wa(r)e dat heeft hem de/ vors(creven) claes tot sinre manisse(n) geloeft te voldoene En(de) de vors(creven) goede/ te wete(n) tvors(creven) (½) boend(er) op iii mo[l(evate)] rox d(er) mate(n) va(n) lov(en) erfs pachts d(er)/ groete(n) heilegeeste va(n) s(in)[te] peet(er)s te lov(en) en(de) op iiii s(chellingen) pay(ments) den cloest(er) van
//
vrouwe(n) p(er)cke te betale(n) It(em) tvors(creven) dach(mael) lants geleg(en) opde drie/ boende(r) wagegoets op eene(n) braspe(n)ni(n)c den vors(creven) onsen genedige(n)/ hee(re) te bet(alen) en(de) tvors(creven) dach(mael) lants helicht wi(n)ni(n)ge op trecht vand(er)/ helicht wi(n)ni(n)gen En(de) op alsulke(n) last dat alle de vors(creven) goede mede/ ond(er)pant sijn met div(er)sen and(ere)n goede(n) den vors(creven) clase toebehoi(re)nde/ geleg(en) te binswijc en(de) d(air) omtri(n)t voir eene(n) rins gul(den) erflic aen/ wille(m)me de seyse(n)make(re) wonen(de) te loven opde proefstrate en(de)/ op eene(n) rijd(er) lijftochte(n) aen ja(n)ne vanden hovelde ten live der/ kind(ere)n svors(creven) desselfs jans vande(n) hovelde alse op alle laste(n)/[d(air) voe(r) uutgaende en(de) voert va(n) allen and(er)] letselen co(m)me(re)n en(de) calaengie(n) te wara(n)de(re)n also dat de(n) vorscr(even)/ ja(n)ne py(n)noc sine(n) erve(n) en(de) naec(omeling)[en] vast en(de) zek(er) sijn moege tot/ ewige(n) daghe(n) va(n) welken rins gul(den) erflic vors en(de) rijdere/ lijftochte(n) vors(creven) heeft geloeft de vors(creven) claes voir hem sine(n) erve(n)/ en(de) naec(omeling)[en] des vorg(enoemde) jans py(n)noc goede tewigen dage(n) scadeloes/ te houden en(de) tontheffen en(de) den selve(n) erf rins [gul(den)] en(de) rijd(er) lijftochte(n)/ vors(creven) af te quite(n) t(er) stont en(de) also schie(r) als de quiti(n)ge vanden vors(creven)/ i(½) mudde rogs [biden voirs(creven) ja(n)ne py(n)noc] gescieden sal en(de) mette(n) selve(n) pe(n)ni(n)gen die d(air) aff/ come(n) sulle(n) cor(am) langr(ode) tybe aug(usti) xxiiii