Vander questien die geweest is voir den rade vander stad tusscen aerde/ de witte als meye(r) van herent ter eenre zijden ende die vanden dorpe/ van wynxele ter andere aengaende der betalinge(n) vanden souweny(r)en?/ der reysen lestleden m(ijns) gened(ichs) he(re)n lestleden tshertogen dair de voirs(creven)/ meye(r) sustineerde dat de voirs(creven) van wynxele in gebreke ware(n) va(n)d(er) beta/ lingen van eenre maent voir vive souwenieren wair af de voirs(creven) van/ wynxele hielde(n) de co(n)trarie hopende dat zij genoech gedaen en(de) betaelt/ hadden na zeke(re)n t(er)minatie(n) vand(er) stadt tand(er)en tijde(n) d(air) af gegaen/ dair zijs hen toe gedroegen Op dwelc de stad begh(eer)de taenhoire(n)/ de gedeput(eer)de(n) van allen den dorpe(n) d(er) voirs(creven) meyerie(n) toebehoiren(de)/ en(de) dat op den dach van heden dwelc de voirs(creven) meye(r) alsoe/ aennam En(de) also zijn come(n) de voirs(creven) meye(r) als aenlegge(r) die/ van wynxele van herent van velthem van tieldonc ende een/ van nederijssche vergadert zijnde voir de(n) raide vander stad/ als verw(eer)ders Seggende dat van ouden tijden gecostum(eer)t / is geweest dat herent ende oesterhem tderdel van sulke(n)/ lasten plegen te draghe(n) wynxele velthe(m) ende tieldonck/ dander derdendeel cortbeke en(de) ned(er)ijssche met huere(n) ad/ herente(n) tderde derdel dwelc die van herent velthe(m) en(de)/ tieldonck alsoe bekinde(n) mair die van ned(er)ijssche en/ wiste niet te seggen Also was dien van ned(er)ijssche ge/ appointeert dit te condigen de(n) zijne(n) die van cortbeke/ en(de) ande(re)n d(air) toe behoiren(de) niet gecomp(ar)eert zijnde om hue(r)/ antworde hier af te bringe(n) op in vrydage naestcomen(de)/ hen antworde bijden voirs(creven) rade vand(er) stad bringe(n) om te be/ kinnen(e) den selven van winxele oft te ontkinnen(e) Ende in gevalle/ van ontkinnen(e) zijn de selve va(n) wynxele gewijst tot hue(re)n thoenisse/ ten naesten daghe van rechte ten coste van ongelike Actum in/ pleno consilio septembris xxiii