SAL8145, Act: V°17.2 (33 of 588)
Search Act
previous | next
Act V°17.2  
Act
Date: 1478-07-11

Transcription

2020-11-06 by Pieter Soetewey
Want gort hanckart als geleyt na de(n) rechte d(er) stad van loeven(e) uut/
machte van [twee] scepen(en) brieven van loeven(e) den eene(n) van viii(½) rijd(er)s/
en(de) den anderen van lxv rijd(er)s tot alle(n) de(n) goede(n) beyde have en(de)/
erve he(re)n wout(er)s van buetschore priest(er)s soe wair die gelege(n)/
zijn opte(n) vii[te(n)] dach van julio lestlede(n) hadde doen besc(re)ve(n)/
henric van tielt die he(m) vande(n) selve(n) goede(n) voirhielt ii stucke/
bempts gelege(n) te bevere in tgemeyn broec dair af deen houden(de)/
een dachmael is gelegen tusscen die nyeuwe velpe ende de(n)/
goeden le(m)men neckers en(de) dander stuck houden(de) omtrint tderdel/
van i boende(r) is gelege(n) tusscen den goeden willems cappart jans/
van pamele ende doude velpe aldair tot welken dage noch/
oic tot op den dach van hede(n) de voirs(creven) henric van tielt niet/
comen en is noch ande(re) van zijnen wege(n) den voirs(creven) gorde altijt/
voirts recht v(er)suekende so wijsde(n) de he(re)n scepen(en) va(n) loeven(e)/
ter manissen smeyers yerst aengehoirt pet(ere)n comelinc der stad/
geswore(n) bode die cleerde bij sijnen eede dat dexecucie vande(n)/
voirs(creven) br(ieven) volcomelijc gedaen en(de) gesciet was datme(n) de(n) voirs(creven)/
gord hanckart vande(n) voirs(creven) goeden houde(n) soude inde macht va(n)/
zijne(n) beleyde voirs(creven) soe v(er)re dat alnoch voir hen come(n) was/
cor(am) om(n)ib(us) scabinis de(m)pto lyeminge(n) julii xi
ContributorsLieve Van Hoestenberghe
Moderated byLieve Van Hoestenberghe
Last update: 2018-09-06 by The Administrator