Al eest soe dat de voirs(creven) jan ende jan vand(er) vorst huer heffen behouden/ hebben inde voirs(creven) rinte soe es nochtans vorw(er)de dat sij de selve rinte/ niet lang(er) heffen noch bue(re)n en sulle(n) dan tot dat sij ghelost worde(n)/ van alsulken rijd(ers) lijft(ochten) dair voe(r) sij op hede(n) der voirs(creven) kinde(ren) borghe bleve(n)/ sijn aen henr(icke) vanden ghehuchte ende te dyer meyninghe(n) sal tvors(creven)/ recepit ond(er) scepen(en) blive(n) liggen(e) zond(er) argelist cor(am) eisd(em)