Allen den ghene(n) die dese l(ette)ren sulle(n) sien oft ho(r)en lese(n) burg(er)meest(ere)n/ scepen(en) en(de) raid d(er) stad van loven(e) saluyt doen cond en(de) te weten(e) dat opden/ dach va(n) hede(n) datu(m) va(n) desen voir ons come(n) is in p(ro)pe(re)n p(er)soene machiel/ waghemans geheete(n) zeg(er)s wonen(de) te hoeghstrat(en) en(de) heeft ge(con)stitueert/ gesedt volcome(n) macht p(ro)cu(ra)cie en(de) aucto(r)iteit gegeve(n) ja(n)nesse vander/ eyken inde proefstie va(n) corby vrancke(n) de sluyte(re) wille(m)me va(n) schore/ ja(n)ne va(n) ost ja(n)ne va(n) borre gielise roeselee(re) wille(m)me va(n) leefdale/ arnde en(de) ja(n)ne wagemans gebr(uederen) soene(n) svors(creven) machiels wille(m)me/ vlemynx sone wile(n) jans ja(n)nesse hoecx sone wile(n) he(n)rix janne/ coutereel ja(n)ne va(n) thiene(n) wonen(de) te hoeghstrate(n) en(de) ja(n)ne va(n) udeke(m)/ den jongen voirsprake oft den eene(n) va(n) hen bringe(r) sbriefs Alle ende/ iegewelke sijn sake(n) q(ue)stie(n) en(de) gescille(n) die hij als nu uutstaen(de) heeft/ oft namaels hebbe(n) sal moege(n) voir alle gerichte(n) geestelic en(de) weer/ lic tegen wien dat zij alle sijn jaerguld(en) opcomi(n)ge(n) en(de) v(er)valle(n) goede/ beruerlic en(de) omberuerlic hoedanich die sijn te here(n)t te winxele te/ velthem En(de) voirt tot alle(n) and(ere)n plaetse(n) waer die belege(n) sijn oft/ bevonde(n) moge(n) worden alsoe wale de gheene die de(n) voirs(creven) machiele/ bleve(n) en(de) v(er)storve(n) sijn uut doode jans wijle(n) ts(er)golijs sone wijle(n) pauwels/ roelofs va(n) duerne en(de) sine(n) erfgename(n) als and(ere)n Te verware(n) te/ mane(n) teissche(n) op te bue(re)n en(de) tontf(angen)[e] d(air) voe(r) te panden te dagen/ te beleid(en) rasta(men)[te] te doen legge(n) die met rechte texeq(ue)re(n) en(de) te/ v(er)volge(n) te bedinge(n) te winne(n) te v(er)liesen alle gescrifte(n) en(de) libelle(n)/ ov(er) te gheve(n) en(de) te neme(n) te replice(re)n te duplice(re)n (et)c(etera) also wel/ int p(ri)ncipael als int accessoir also dicke en(de) menichwerve(n)/ als dat behoire(n) sal getuyge(n) te sien swe(re)n die te batte(re)n hue(re)
//
deposicien te wed(er)legge(n) also menichwerve(n) als dat gebue(re)n sal mogen/ En(de) ofts noot gebuerde de vors(creven) saken te conteste(re)n te decline(re)n texcipie(re)n/ te reco(n)venie(re)n te bescudden comp(osicie) en(de) mynlike yffeni(n)ge va(n) al des/ vors(creven) is te maken de sculd(er)s te quiten(en) en(de) volcome(n) quit(anci)[e]te geven/ En(de) voirtaen generalic en(de) specialic d(air) inne te doene en(de) te vorderen/ alle tgene dat de vors(creven) (con)stitueerde(n) selve doen soude en(de) vorde(re)n/ soude moge(n) waert dat hij telk(er) tijt en(de) plaetsen teg(enwoirdich) en(de) voere/ ogen ware En(de) soe wes biden eene(n) d(er) vors(creven) p(ro)cu(reur)en e(n)nichsins/ gedaen gep(ro)cureert oft gevord(er)t sal worden dat dande(re) va(n) hen dat/ sal mogen middelen volinden laten compone(re)n sond(er) yemants weder/ seggen geloven(de) voir ons in goeden trouwen de vors(creven) (con)stitue(n)t opde/ verbintenisse va(n) allen sinen goed(en) beruerlic en(de) omber(uerlic) hoed(anich) die/ sijn waer die belege(n) sijn oft bevond(en) moge(n) worde(n) va(n) weerden te/ houden alle tgene dat bide vors(creven) p(ro)cur(eur)s oft bide(n) eene(n) va(n) hen e(n)nich/ sins ged(aen) gep(ro)cureert en(de) gevord(er)t sal werd(en) Behalve(n) dat de vors(creven)/ p(ro)cur(eur)s en(de) elc va(n) hen den vors(creven) (con)stituent va(n) desen hue(re)n bewinde alt(oes)/ t(er) manissen des selfs sculd(ich) sijn sulle(n) te doene goede wett(ige) rek(eninge) besceit/ et r(e)liqua also d(air) toe behoirt due(re)nde dese p(ro)cu(ra)cie totte(n) wed(er)roepe/ des vors(creven) (con)stituents en(de) niet lange(r) cor(am) berct burg(imagistro) roelants tybe scab(inis)/ aug(usti) xxi