Allen den ghenen (et)c(etera) dat h(er)jan nabbe prieste(r) van aerschot ende/ heeft gheconstitueert ghestelt ende gheordineert sijn p(ro)cur(eur)s en(de) voirgang(er)s/ goessen(e) vanden speelhove sijne(n) neve adriane van haenwijck meest(er)/ stas vand(er) hoeve(n) willem(me) van leefdale janne van ost alle wonen(de)/ te loven(e) mathijse van rode te dyest pete(re)n van cuyckt te halen ja(n)ne/ kem(er)linck arnde oliviers pete(re)n leemans janne taenhout taerschot/ en(de) elken besund(er)t in allen sijne(n) saken gheschille(n) en(de) bederve(n) die hij nu uutst(aende)/ heeft oft naemaels hebben sal moghe(n) in aenlegg(er)s oft verw(er)ders stad hoed(anich)/ die sijn Gheven(de) ende verlenen(de) de voirs(creven) (con)stitueerd(er) den voirg(enoemde) sijne(n) p(ro)cur(eur)s/ en(de) elken sunderlinghe thoenre des(er) volcome(n) macht p(ro)curacie auctoriteyt/ en(de) zunderlinghe beveel de selve saken met rechte te vervolghe(n) te v(er)waren/ te bescudden ende ende te bedinghe(n) tallen plaetssen voir alle gherichte(n) ende/ teghen eene(n)yeghelijken dair des behoeve(n) en(de) te doen sal wesen Ende desgel(ijcks)?/ o(m)me alle des voirs(creven) constitueerd(er)s goede chijse rinten pachten lijft(ochten) ende/ ande(r) schulde(n) dieme(n) hem nu schuld(ich) es oft naemaels wesen sal Te mane(n)/ teysschen op te bue(re)n ende tontfanghe(n) den schulde(re)n van hue(re)n ontfanghe quijt te schelden(e) ende quitan(cien) te gheven(e) dair voe(r) te panden(e) te daghen(e) en(de)/ rastamente te doen leggen(e) composicie ende mynlijke yffeninghe dair af te/ maken(e) scepen(en) brieve te vo(n)nissen ende texeque(re)n de selve chijse rinte(n) pachte(n)
//
lijftochte(n) ende schulde(n) met rechte teyssche(n) ende te vervolghe(n) ende te/ bedinghe(n) die te wynnen ende te verliesen thonisse en(de) wairheyd(en) te/ leyden der wed(er)p(ar)tijen ghetuyghe(n) te sien ende hoe(re)n swee(re)n die te batte(re)n/ en(de) te wed(er)legghe(n) te replice(re)n te duplice(re)n alsoe wael int p(ri)ncipael/ als int accessoir ende alle pointen en(de) ar(tic)[len] van rechte te vorderen(e) (et)c(etera)/ Et g(e)n(er)alit(er) P(ro)mitt(ens) ratu(m) renu(n)c(ians) Cu(m) (com)pu(tati)[o(n)e] et revoc(atione) cor(am) godefrido/ hanck(ar)t sub(stitu)[to] burg(imagistro) roelofs tybe scab(inis) sept(embris) xxii[a]