It(em) d(ominu)m joh(ann)es amelen arnoldus de meerbeke petrus dillen et/ ghisew(er)tus de bakel priest(er)s als meest(er)s vand(er) dist(ri)bucie(n) vande(n) capelle(n)/ ind(er) kercken van sinte pet(er)s te loven(e) vors(creven) inde(n) name en(de) van/ weghen der selv(er) dist(ri)bucie(n) hebben opden dach van hede(n) renu(n)cieert/ en(de) met rechte te nyeute gedaen alsulke p(ro)curacie en(de) mechtich(eit) als/ die voirs(creven) dist(ri)bucie h(ier) voirmaels h(ere)n janne van opthielt prieste(r)/ capellaen ind(er) selv(er) kercken om huer goede en(de) renten tontfanghe(n)
//
en(de) metten rechte te v(er)volghen tot hue(re)n wed(er)coepe gemaect/ hebben het zij voir burg(er)meest(ere)n scepen(en) en(de) raide der stad/ van loven(e) oft scepen(en) van loven(e) oft tot e(n)nige(n) ande(re)n plaetse(n)/ willen(de) en(de) beghe(re)nde dat de selve p(ro)curacie van nu voirtae(n)/ van gheenre macht oft cracht sijn en sullen nocht van machte/ gheacht wordden in e(n)nig(er) manie(re)n behoud(elic) hen huer/ actien opten voirs(creven) h(er) janne van tghene des de voirs(creven) h(er) jan/ te hemw(er)ts uut saken vand(er) voirs(creven) sijnre p(ro)curacie alsnoch tacht(er)/ in ghebrecke es cor(am) eisd(em)