It(em) willem vander dijlen cledermake(r) in p(rese)ncien der scepen(en) van loven(e) gest?/ heeft uutghegeve(n) en(de) bekent dat hij uutghegeve(n) heeft voir hem sijne(n) erven/ en(de) naecomelinghe(n) andriese de meye(re) blauverwe(r) sijne(n) oiren erve(n) ende/ naecomelinghen een schaelgie met hue(re)n toebehoirten metten uutgange/ tot int straetken aldair ghelijck de selve scaelgie ghelegen is inde prooft/ strate acht(er) de coeken(en) vanden huyse des voirs(creven) andries tusschen de selve/ coekene in deen zijde de goede willems vanden poele aen dand(er) zijde/ de eetcame(r) metten ganghe toebehoren(de) den huyse gheheeten dwiltvercken/ des voirs(creven) willems aen de derde zijde ende tvoirs(creven) streetken ald(air) aende vierde/ zijde erflijck te houden en(de) te hebben op twee rinssche gulden(en) Te wetene/ tsestich pl(a)c(ken) brabants payments voir elke(n) rinsch(e) gulden(en) voirs(creven) gherekent/ erflijke renten alle jaire op sinte qui(n)tens dach te betalen(e) den voirs(creven) willem(me) va(n)d(er)/[dijlen] erfl(ijc) in naecomen(de) tijden ende te meerder zekernissen den voirs(creven) willeme/ vanden voirs(creven) ii rinssche gul(denen) erfl(ijc) te doene soe heeft de voirs(creven) andries/ dair voe(r) sijn voirs(creven) huys met allen sijne(n) toebehoirte(n) ghelegen tusschen/ tvoirs(creven) wiltvercken aen deen zijde en(de) tvoirs(creven) streetken aen dande(r) zijde bij/ orlove she(re)n vanden gronde in tijtle van wettighen onderpande v(er)oblig(eer)t/ en(de) te pande gesedt van welken onderpande heeft ghelooft de voirs(creven) andries/ altijt ghenoech te doene alsoe dat den voirs(creven) willem(me) vast en(de) zeker sijn/ moghe met vurw(er)den dat de voirs(creven) andries de voirs(creven) ii rinsche gulden(en)/ erfl(ijc) sal moghen lossen ende quijte(n) tallen tijden en(de) stonden als hem dat/ ghelieve(n) sal teene(n) oft te twee malen mair niet myn dan eene(n) rinsche/ gulden(en) dair aff teene(n) male en(de) elken rinssche gul(denen) dair af met xviii/ ghelijker rinssche gul(denen) ind(er) weerde(n) voirs(creven) en(de) met vollen renten nae gelande/ vander quijtinge(n) ende oft den voirs(creven) andriese int ghene des voirs(creven) es/ yet te nauwe gheschiet wa(r)e dat heeft hem de voirs(creven) willem tot sijnre/ manissen altijt ghelooft te voldoene en(de) de voirs(creven) schaelgie opde voirs(creven)/ twee rinssche gul(denen) erfl(ijc) als voir alle co(m)me(r) dair voe(r) uutgaen(de) te warande(re)n/ p(ro)ut en(de) t(er) meerder vestich(eit) den voirs(creven) andriese vander selv(er) ghelufte(n) van/ waerscape te doene soe heeft hem de voirs(creven) willem dair voe(r) bij orlove/ she(re)n vanden gronde met rechte v(er)obligeert ende te pande ghesedt tvoirs(creven)/ sijn huys gheheete(n) dwiltvercken met allen sijne(n) toebehoirte(n) acht(er) ende/ voir geleghen tusschen tvoirs(creven) huys des voirs(creven) andries aen deen zijde/ en(de) de craechove(n)strate aen dand(er) zijde van welken onderpande heeft/ ghelooft de voirs(creven) willem den voirs(creven) andriese altijt ghenoech te doene/ p(ro)ut opde erfvurw(er)den en(de) condicien hier onder ghesc(reven)? die de voirs(creven)/ andries t(er) eenre ende de voirs(creven) willem t(er) ande(re) zijden malcande(re)n tot/ ewighen daghen voir hen hueren erve(n) en(de) naecomelinge(n) gelooft hebbe(n)
//
wel en(de) volcomelijck tonderhouden(e) en(de) voldoene Inden/ yersten dat de voirs(creven) andries opde voirs(creven) sijn schaelgie alsoe/

verre huer die strect niet en sal moghen ty(m)me(re)n nocht/ opva(r)en hog(er) dan viii voeten te meten(e) vand(er) schaelgien/ opweerts totten ov(er)sten dorpel vander doren vander selv(er)/ came(re)n dair mede hij dlieght vander selver nedercame(re)n/ des voirs(creven) willems soude moghen beneme(n) oft verdoncke(re)n/ in e(n)nig(er) manie(re)n behoud(elijc) dat de selve willem alle vynste(re)n/ die nu dair staen ende die ghene die hij aldair naemaels/ maken mochte verghelasen sal en(de) vast verghelaest houden tot/ ewighen daghen hier inne bevurw(er)t dat niet wederstaen(de) des/ voirs(creven) es de voirs(creven) andries tallen tijden ende stonden als hem dat/ ghelieve(n) sal met sijnre voirs(creven) coekene(n) sal moghen opvue(re)n opden/ oude muer vand(er) selv(er) coekene(n) alsoe hoeghe als hem dat sal ghelieve(n)/ zonder wedersegghen des voirs(creven) willems oft sijne(n) naecomelinghen/ Item es voort vurw(er)de dat alsulke steyne(n) schouwe als de voirscr(even)/ willem inde coekene van sijne(n) huyse op sijn zijde inde muer toebe/ horende den huyse ende goeden des voirs(creven) andries heeft doen/ maken dat de voirs(creven) scouwe ald(air) tot ewighen daghen sal moge(n)/ blive(n) staen(de) soe die nu dair steet tot behoef en(de) totten ghebruycke/ des voirs(creven) willems zond(er) wedersegge(n) des voirs(creven) andries oft sijnre/ naecomelinghe(n) in e(n)nig(er) manie(re)n It(em) es voert vurw(er)de dat de/ heymelicheyt staen(de) eensdeels op derve des voirs(creven) willems ende/ eensdeels opde voirs(creven) schaelgie svoirs(creven) andries dat die selve heyme/ licheyt beyde den selven erve(n) van nu voirtaen tot ewighen daghe(n)/ toebeho(r)en sal en(de) bliven toebehorende en(de) soe wa(n)neer die ruymens/ oft reparerens behoeft dat de voirs(creven) willem en(de) sijn naecomlinge(n)/ de twee deele dair aff en(de) de voirs(creven) andries en(de) sijn erve(n) dande(r)/ derdendeel dair af ghelde(n) en(de) betalen sullen [en(de)] die selve heymelich(eyt)/ altijt veghen vander plaetssen dair men dat van ouden tijden/ gheploghen heeft te doene Cor(am) pynnoc thenis octob(ris) ulti(m)a