Cont zij allen lieden dat dyonijs melgiers geheeten lankens en(de) jan/ vander mee(re)n behouwede zone desselfs dyonijs pelsmake(r) in p(rese)ncia/ hebben gegeven en(de) bekint dat sij gegeven heebben janne voets geheete(n)/ cuype(re) en(de) katlijne(n) bollarts zijnre huysvr(ouwe) thoff der selver meest(er)s toebeho(r)ende/ dat toe te behoiren plach lenarde wijlen vand(er) mee(re)n metten huysen hoven/ wynnen(de) lande(n) beempden eeusselen en(de) allen ande(re)n toebehoirten gelege(n) inde/ p(ro)chie van bierbeke geheeten te wilde(re) Te houden te hebben en(de) te wynnen/ van halff merte naistcomen(de) eene(n) t(er)mijn van ix ja(r)en langk deen nae/ dande(r) sonder middel volgen(de) elcx jairs dae(re)nbynnen Te weten(e) de voirs(creven)/ wynnen(de) lande voe(r) en(de) o(m)me de helicht van allen den vruchten dair op/ wassende ende de weyde vanden beempden eeussele(n) en(de) bog(ar)den om/ ende voe(r) eenentwintich rijnsch guld(en) te xx stuv(er)s tstuck en(de) iii pl(a)c(ken) den/ stuve(r) alle ja(r)e tsinte m(er)tensmisse inden wynter vallen(de) en(de) bynne(n) meys/ dair nae volgen(de) te betalen(e) Te weten(e) den voirs(creven) dyonijse de tweedeele/ en(de) den voirs(creven) janne dander derdendeel d(air) aff den voirs(creven) t(er)mijn due(re)nde quol(ibe)t/ ass(ecutu)[m] van welcker weyhue(re)n de voirs(creven) wynnen den voirs(creven) hue(re)n meesters/ gelooft hebben thuer(er) manissen aut vastich(eit) te doen(e) ende hen dair aff te/ vreden te stellen(e) Item is vorwairde dat de voirs(creven) wynnen den voirs(creven)/ t(er)mijn due(re)nde de voirs(creven) goede wynne(n) werven en(de) mesten selen wel en(de)/ lofflijc gelijc reengenoeten boven ende beneden ende thue(re)n afscheide(n)/ selen zij die laten bezayet wel en(de) loflijc want sijse alsoe aenveerden/ selen Te weten(e) een stuck lants gelegen op de delle tusschen de maer/ bekestrate en(de) den wolberch houden(de) xv dachmalen twee ende dertich/ roeden oft dair omtrint Item een stuck lants dair bij gelegen tusschen/ janne gielijs ende dwilderlant houden(de) een dachmale ende viii roeden/ Item een stuck lants op de delle aent airtgat tusschen janne van/ raitshove(n) ende der p(re)dicke(re)n lant houden(de) een dachmale ende twee/ ende dertich roeden Item een dachmale en(de) vijftich roeden dair bij/ gelegen op de delle tusschen lodewijcke van hoelair ende janne/ van raitshove(n) Item een stuck lants dat wout(er)s jans (christ)iaens was/ gelegen onder den wolberch tusschen den selve(n) berch ende den/ goeden jans gielijs houden(de) drie en(de) een halff dachmalen It(em) een/ stuck lants dat goorts calentijns was gelegen opde delle tusschen/ janne gielijs ende den wolberch houden(de) een dachmale ende twee/ ende twintich roeden Item een stuck lants gelegen opde delle tussche(n)/ den wolberch aent heyken ende janne gielijs houden(de) vijff dachmale(n)
//
Item een stuck lants gelegen aen de mersiers haghe tusschen die haghe/ en(de) janne gielijs houden(de) twee ende een halff dachmalen Item opt eycvelt/ drie dachmalen lants oft d(air) omtrint gelegen in drie p(ar)tien Item noch/ een cleyn blocxken lants gelegen acht(er) den wijng(ar)t vand(en) selve(n) hove/ tusschen den goeden jans van udekem en(de) desselfs meest(er)s goeden houden(de)/ omtrint een halff boende(r) al met wynt(er)coren(en) op vie(r) getijdighe voren/ Item de storte voe(r) kersmisse o(m)megedaen en(de) gdesgelijcx de brake voe(r) halff/ merte want sijse alsoe aenveerden sullen Item sullen de voirs(creven) wynnen/ jairlijcx inde brake erweten zayen en(de) die sullen zij halff en(de) halff becostigen/ en(de) die zij inde stortte zaeyen sullen dair [af] en sullen de voirs(creven) meest(er)s gheene(n)/ last noch oic vanden crucken hebben It(em) sullen de voirs(creven) wynnen tot hue(re)n affscheid(en)/ voir halff merte allet dmest int voirs(creven) hoff zijnde moeten uutvue(re)n op de/ braken der voirs(creven) landen Item want de voirs(creven) wynne(n) allet coren staen(de) op/ de voirs(creven) landen thue(re)n innecomen(de) bevynden sullen wel bevreedt soe is/ vorweerde dat de selve wynne(n) die thue(re)n afscheid(en) die alsoe late(n) sulle(n)/ bevreedt Item sullen de voirs(creven) wynne(n) de voirs(creven) stortte bezayen Te weten(e)/ de even(en) op twee voren de gherste op drie en(de) de erweten en(de) vetsen/ oick op twee voren ende oft dair inne tenig(er) tijt gebreck viele soe/ sullen de selve wynne(n) gehouden zijn dat ten naesten oechste dair/ nae op te richten(e) ten prijse van goeden mans Desgelijcx sullen de/ voirs(creven) wynnen gehouden zijn wairt dat zij den roggen(en) airt met ontijde/ saeyden oft wonnen op te richten(e) ten oechsten ende ten prijse als/ voe(r) Item sulle(n) de voirs(creven) meest(er)s voe(r) hen behouden den wijbeempt en(de)/ den wijngairt metten lande dair aen gelegen welck lant de voirscr(even)/ wynne(n) den voirs(creven) hue(re)n meest(er)s jairlijcx acke(re)n sullen alst den voirs(creven)/ meest(er)s gelieve(n) sal en(de) beghe(re)n Desgelijcx sullen de voirs(creven) meest(er)s te/ henweerts behouden tduyfhuys metten duyven ende dmest dair aff/ comen(de) ende oic insgelijcx de huysinghe boven opden berch met/ allen den wate(re)n dijcken ende willighen dair op staende tusschen/ claese den keersmake(re) ende beide de wouwers sonder den voirs(creven)/ wynnen dair inne enich recht oft actie te hebben Item en sullen/ de voirs(creven) wynnen inde bosschen oft willigen dair op staende gheen recht/ noch bewindt hebben noch hue(r) beesten dair op laten gaen Item sullen/ de voirs(creven) wynnen jairlijcx gehouden zijn ter stont als de landen besaeydt/ sullen zijn die te bevreden ende te v(er)maken alsoe dat de voirs(creven) meest(er)s
//
dair bij gheen schade en lijden want die schade souden de voirs(creven) wynnen/ gehouden zijn hen op te richten(e) en(de) te betalen(e) ten goeden mans prijse/ It(em) soe wanneer de vruchten tijtverdich sullen zijn te binden te velde/ is vorweerde dat de voirs(creven) meest(er)s daer teghen schicken sullen/ eenen man die de bande slaen sal ende zijns meest(er)s deel sal/ hulpen inne doen dair af de voirs(creven) wynnen van elcken stucke lants/ sculdich sullen zijn dierste voeder inne te vue(re)n vander helicht des/ voirs(creven) huers meest(er)s te velde gedeylt zijnde ende dand(er) voeder dair/ nae voe(r) hen selven ende alsoe voirt ov(er) ander voeder inne te vue(re)n tot/ dat al inne zijn sal Item sullen de voirs(creven) meest(er)s int voirs(creven) hoff seynde(n)/ zijn dersschers alst hen gelieve(n) sal om zijn helicht te dersschen(e) Item/ sullen de voirs(creven) wynne(n) hebben halff dooft wassen(de) int voirs(creven) hoff/ sonder boven der valbruggen dair inne zij gheen recht hebben en/ sullen noch van enigen goeden dat dair vallen sal en(de) alsmen dat/ ooft leest dan sullen de voirs(creven) meest(er)s betalen de dachue(re)n ende/ de wynne(n) sullen hen den montcost geven It(em) sullen de voirs(creven) wy(n)ne(n)/ den wijn greyn en(de) anders dat dair vallen sal jairlijcx te loeven(e)/ leve(re)n dairt den voirs(creven) meest(er)s gelieve(n) sal en(de) dan sullen zij den/ montcost hebben Item sullen de voirs(creven) wynne(n) jairlijcx den selven t(er)mijn/ due(re)nde den voirs(creven) hue(re)n meest(er)s doen xvi corweyden elcke van eenen/ daghe ende dair voe(r) sullen hen de voirs(creven) meest(er)s jairlijcx geven vier/ ellen wullens lakens tot eenen tabbarde Item sullen de voirs(creven) wynnen/ moeghen truncken allet weeckhout staende bynne(n) den voirs(creven) goeden/ van drie jae(re)n te drie jairen o(m)me de voirs(creven) goede mede te bevreden(e)/ uutgenome(n) vand(er) willigen boven genoempt en(de) v(er)clairt Item wairt/ dat zake dat dair enige oude boomen uutwaydden oft v(er)droechden/ soe is vorweerde dat die den voirs(creven) wynne(n) toebehoe(re)n sullen behalve(n)/ dat zij voe(r) elcken alsulcken boom ten behoirlijcken tijde gehoude(n) sulle(n)/ zijn te setten ten naisten jae(r) dair nae twee leven(de) poten vand(en)/ selven arde Item sullen de voirs(creven) wynne(n) alle jae(re) moeghen halen inde/ thiende schue(r) oft dair men hen dat bewijsen sal bynnen bierbeke oft/ dair omtrint tweeenveertich mandelen stroes dair aff dat de voirs(creven)/ meest(er)s de tweedeele en(de) de voirs(creven) wynnen tderdendeel betalen/ sullen Item sullen de voirs(creven) wynnen alle de grechten weder om op v(er)heffen
//
die omgaens den voirs(creven) bog(ar)den beemden bloken en(de) lande oft elde(r) gebroken/ sullen zijn van menschen oft beesten Item en sullen de voirs(creven) wynne(n) nerge(re)ns/ moeghen varen met zijnen waghen en(de) p(er)den de voirs(creven) lande en sulle(n)/ te voren gelijc reengenoeten gewonnen wesen gedreven Item sullen/ de voirs(creven) wynne(n) jairlijcx merghelen drie boende(re)n lants oft soe vele/ als de selve wynnen ende zijn meest(er)s ordine(re)n sullen tsamen sond(er)/ cost der selv(er) meest(er)s behalven dat de selve meest(er)s dien m(er)ghel sulle(n)/ doen steken ende wairt sake dat de selve wynne(n) op e(n)nich/ jair meer m(er)ghelde dan drie boende(re)n dat en sal den voirs(creven) wynne(n)/ niet afcortte(n) It(em) sullen de voirs(creven) wynne(n) houden de veken(en) alsoe/ men hen die leve(re)n sal en(de) sullen zij alsoe laten thue(re)n affscheide(n)/ en(de) desgelijcx de sloetele ende slote ende oft zij enige v(er)loren/ die souden zij moeten doen maken op hue(re)n cost Item sullen de/ voirs(creven) wynne(n) int voirs(creven) hoff jairlijcx leve(re)n vierhondert walme/ om de huysinge mede te decken(e) ende alsmen die dair v(er)dect/ sullen de selve wynne(n) den wercklieden den montcost geve(n) en(de)/ de meest(er)s sullen de dachue(re)n betalen Item sullen de voirs(creven) wynne(n)/ alle den leem diemen int voirs(creven) hoff v(er)orbe(re)n sal halen mair/ de voirs(creven) meest(er)s sullen dien doen steken Item sullen de voirs(creven)/ wynnen jairlijcx den voirs(creven) t(er)mijn langk due(re)nde ten behoirlijken/ tijde opt voirs(creven) goet planten en(de) setten dairt meest behoeft/ ende plaetse is viventwintich willigen oft popele(re)n poten Item/ sullen de voirs(creven) meest(er)s en(de) wynnen jairlijcx te gelijcke deylen/ alle rapen die op de voirs(creven) goede jairlijcx wassen sullen It(em)/ sullen de voirs(creven) wynnen hebben den voirs(creven) t(er)mijn langk due(re)nde/ thalff boender boschs luttel myn oft meer gelegen op de delle aen/ raetshovens bosch Item sullen de voirs(creven) wynne(n) den voirs(creven) t(er)mijn/ langk due(re)nde int voirs(creven) hoff houden hondert scape(n) en(de) niet/ myn mair meer op dat hen gelieft Item de voirs(creven) wynnen/ sullen jairlijcx hebben voir uut dbloecxken gelege(n) voe(r) den wijng(ar)t/ comen(de) metten eene(n) ynde aen her weyns van houthem block en(de)/ een dach(male) lants gelegen inde brake Item sulle(n) de voirs(creven) wynne(n)/ jairlijcx alle de ooftboomen eens o(m)megaens ontgraven Item de
//
voirs(creven) wynnen sullen jairlijcx den selve(n) t(er)mijn due(re)nde saeyen sesse/ moelevaten lijnzaets en(de) dlant dair toe bereyden des sullen/ hen de voirs(creven) meest(er)s op dierste jair den zaet dair toe leve(re)n/ den welcken zij den selve(n) hue(re)n meest(er)s ten lesten jae(r) vand(en) selve(n)/ t(er)mijne wederom leve(re)n sullen en(de) wederkee(re)n gelijc zij dien voirs(creven) is/ geleent sullen hebben en(de) gelijc hij op tvoirs(creven) goet gewassen sal zijn/ en(de) zullen de voirs(creven) meest(er)s en(de) wynnen jairlijcx tvlas d(aer) aff comen(de)/ te gelijcke deylen alst bijden voirs(creven) wynnen [bereyde ende] opgedroecht sal zijn dwelc/ zij alsoe jairlijcx gelooft hebben te bereyden(e) ende ten ynde vand(en)/ selven t(er)mijne sullen de wynnen den voirs(creven) meest(er)s wederkee(re)n/ den voirs(creven) saet die zij gelijc voirs(creven) is geleent sullen hebben Item/ es vorwairde wairt dat de voirs(creven) wynne(n) de voirs(creven) goede en(de) lande/ niet en wonne(n) noch en worfden gelijc reengenoeten boven en(de) benede(n)/ als voirs(creven) steet soe sullen de voirs(creven) meest(er)s ten yersten iii jae(re)n/ vand(en) voirs(creven) wynne(n) moeghen scheyden Mair oft de voirs(creven) wynnen de/ voirs(creven) goede int wynne(n) der selv(er) beterden alsoe dat de selve meest(er)s/ dan de selve goede ten hoghe(re)n p(ri)se consten uutgegeven(en) soe en/ sullen de voirs(creven) meest(ers) vand(en) voirs(creven) wynne(n) niet moeghe(n) scheyde(n)/ en(de) oft de selve wynne(n) van hue(re)n meest(er)s scheyden wouden dat/ sullen zij moeghen ten yersten vi jae(re)n en(de) niet eer bij alsoe zij dat/ den selve(n) hue(re)n meest(er)s een halff te voe(re)n cundichden It(em) de voirs(creven)/ wynne(n) hebben gelooft t(er) manissen der voirs(creven) meest(er)s aut alh(ier) voe(r)/ wet te bringen(e) goede borghen die hen voe(r) de voirs(creven) pechtinge/ v(er)oblige(re)n sulle(n) d(aer) mede de selve meest(er)s te vreden zijn sulle(n) moegen/ Rn(de) alle dese vorweerden (con)dicien en(de) geloften hebben gelooft (et)c(etera) hier/ voe(r) es borghe der voirs(creven) gehuyssche(n) als p(ri)ncipael schulde(r) jan voets/ de jonghe huer sone p(ri)us emancip(atus) Et p(ri)mi duo cor(am) oppendorp/ hoelair octobr(is) vi