Allen dat andries sappel zone wijlen willems woenen(de) te bruessele/ t(er) ov(er)moelen ende ald(air) oppenbairlijc met zijne(n) vrye(n) eygen(en) wille/ volcomen macht en(de) zunderlinge beveel gegeve(n) en(de) met desen/ tegenwordige(n) l(ette)ren gheeft en(de) v(er)leent bartholomeeus vand(en) hecke/ zone heymans vand(en) hecke zijne(n) neve alsulcken huys en(de) hoff met/ zijne(n) toebehoirte(n) geheeten den voghelsanck gelegen t(er) ov(er)moelen voirs(creven) tusschen/ den goeden wout(er)s rompay t(er) eenre zijde(n) ende den goeden jans luys t(er) ande(r)/ zijden als de selve wout(er) rompay cortsweechs tsegen den selve(n) andries/ gecocht en(de) v(er)goidspe(n)ninct heeft Te goeden(e) en(de) te vastigen(e) en(de) in alle der/ vuegen en(de) manie(re)n hem ov(er) te geven(e) en(de) te doen volgen(e) gelijckerwijs de/ selve tselve huys en(de) hoff tande(re)n tijden tsegen den selve(n) woute(re)n v(er)crege(n)/ heeft ende dair toe alle solempniteyten van rechte te doene gelijck de/ selve andries in p(er)soene oft hij ald(air) tegenwoirdich wa(r)e doen soude/ moegen en(de) voirtaen g(e)n(er)alijc en(de) sp(eci)alijc inden voirs(creven) saken en(de) des d(air)/ aen cleven mach te doene en(de) te vorde(re)n het zij te wynne(n) oft te/ v(er)liesen dat de voirs(creven) machtichmake(r) selve doen soude oft mochte wairt/ dat hij in p(er)soene voir ooge(n) wa(r)e Geloven(de) de selve andries sappel opt v(er)bo(n)t(...)?/ vast gestentich onv(er)brekelijc en(de) van weerden te houden(e) tot eeuwighe(n)/ daghen wes bijden voirs(creven) p(ro)cur(eur) inden voirs(creven) zaken en(de) des dair aen cleeft/ gedaen en(de) gevordert sal wordden in enig(er) manie(re)n no(vem)[br(is)] v[ta]