Item peter ackerman stas van bolloe everard vanden opstalle/ en(de) roelof strote late mijns h(ere)n van chantrain in zijnen/ hove te bierbeke in tegewoirdicheid(en) der scepen(en) van/ lov(ene) gestaen hebben openbairlic getuyght en(de) gedraghen/ dat zij als late svors(creven) h(ere)n van chantrain in zijnen vors(creven)/

hove dair bij ende overgeweest zijn daer henrick/ van balen alse meye(r) desselfs h(ere)n in zijnen voirs(creven) hove/ ten versuecke jannes heyms als procureur jannes pynnoc/ natuerlic voer gebreck van twee mudden rogs erflic de(n) vors(creven)/jairlicx [janne v(er)schenen] ts(in)t andriesmisse apostels vallen(de) [lestleden] aen ende op/ de helicht van sess dachmail lands gelijc de selve/ zess dachmail gelegen zijn inde [prochie van bierbeke inde] galghdelle neven den/ pellenberchschen wech tuschen den selven wech t(er) eenre/ en(de) de goede everards vanden opstalle t(er) ande(r) zijden/ comen(de) tot aende gruen grecht aldair behoirlick/ gedaight ende verwacht heeft met veranderinghen van/ laten opte selve vorgenoemde goede drie genechten van/ rechte en(de) de vierde van gracien En(de) telker genechten/ gedaight en(de) voertgeroepen matheeuse abraens henricken/ abraens zijnen sone pete(re)n vanden poele lijsbetten abraens/ zijnen wive zust(er) des vors(creven) henricks machtelden abraens/ zust(er) des selfs brued(ers) henricks en(de) lijsbetten janne/ lyebrechts gertruyden abraens zijnen wive zust(er) der/ vors(creven) brued(ere) en(de) zuste(re)n gheerde borsman den jonghen/ ende m(ar)grieten zijnen wive dochter desselfs jans lybrechts/ en(de) g(er)truyden zijns wijfs en(de) alle ande(re) hen rechts tot/ den voirs(creven) goeden vermetende met behoirliker conden/ hen bynnen der yerster genechten onder de clocken/ gedaen want zij bynnen der prochien van bierbeke/ niet en woenden Ende dat de vors(creven) vier genechten/ uutsijnde want niemant dae(re)nbynnen en quam die tvors(creven)/ gebreck gecuelt oft de vors(creven) goede v(er)antw(eer)t hadde/ de vors(creven) meye(r) maende de vors(creven) laten wes voirt recht/ zijn soude de welke doen wijsden voer een vo(n)nisse/ alle de ghene die jongher wa(r)en dan de vors(creven) jannes
//
pynnoc ende met rechte was laten weten hen dair uut en(de)/ ende den vors(creven) p(ro)cur(eur) tot behoef desselfs jannes pynnoc/ dair inne Welke late vors(creven) de vors(creven) saken voer/ scepen(en) van lov(ene) verhalende getuyght hebben die gescied/ en(de) gehandelt te wesen alsoe vorscr(even) steet biddende/ den selven scepen(en) van loeven dat zij dit voerts op/ hen tuygen en(de) segelen wilden dwelck doen boxho(r)en/ tants novembr(is) xix